უკან
პოლიტიკა
14 თებერვალი, 2018 11:00
საქართველოს განათლებისა და მეცნიერების მინისტრი ჩინეთის სახალხო რესპუბლიკის ელჩს შეხვდა
საქართველოს განათლებისა და მეცნიერების მინისტრმა, მიხეილ ჩხენკელმა, საქართველოში ჩინეთის სახალხო რესპუბლიკის ელჩთან, ჯი იანჩისთან გაცნობითი შეხვედრა გამართა.
შეხვედრაზე განათლებისა და მეცნიერების სფეროში საქართველოსა და ჩინეთს შორის არსებული მრავალწლიანი თანამშრომლობა დადებითად შეფასდა. აღნიშნული თანამშრომლობის გაღრმავების მიზნით, მიხეილ ჩხენკელმა ჩინეთის ელჩს კონკრეტული წინადადებები შესთავაზა, რომელიც ერთობლივი საგანმანათლებლო პროექტების განხორციელებას, უნივერსიტეტებს შორის თანამშრომლობის ახალი ფორმატების ამოქმედებას, საქართველოსა და ჩინეთს შორის მნიშვნელოვნად გაზრდილი სავაჭრო და ეკონომიკური კავშირების განათლების მიმართულებით გამოყენებას გულისხმობს.
მხარეებმა იმედი გამოთქვეს, რომ მომავალში მათი თანამშრომლობა უფრო გაღრმავდება.
ცირა გურგენიძე