უკან

უახლესი ამბები

დღის კალენდარი

ანონსები

არქივი

პოლიტიკა

23 მაისი, 2018 16:45
font-size

საქართველოს მხარე ძალიან საინტერესოდ და ძლიერად იყო წარმოდგენილი, რუსეთმა გაყალბებული უახლესი ისტორია აღწერა - ეკატერინე გასიტაშვილი

საქართველოს უზენაესი სასამართლოს მოსამართლის, ეკატერინე გასიტაშვილის შეფასებით, სტრასბურგის სასამართლოში „საქართველო რუსეთის წინააღმდეგ“ საქმის ზეპირ მოსმენაზე საქართველო ძლიერად წარდგა, ხოლო რუსეთმა გაყალბებული უახლესი ისტორია წარმოადგინა.

„საქართველოს მხარე ძალიან საინტერესოდ და ძლიერად იყო წარმოდგენილი, სამართლებრივი არგუმენტები და ფაქტობრივი მოტივაცია იყო საკმაოდ დეტალურად, მძლავრი აქცენტებით წარმოჩენილი. რაც შეეხება რუსეთის პოზიციას, გარკვეული ნაწილი, ცოტა არ იყოს, გაყალბებული უახლესი ისტორიის აღწერა იყო, რაც, გულწრფელად რომ ვთქვა, ვერ გავიგე, სამართლებრივად რატომ იყო საჭირო.

ფაქტობრივ ნაწილს რაც შეეხება, ძირითადი არგუმენტები რუსული მხარის იყო ის, რომ არსებობდა გარკვეული მტკიცებულებები ფოტოების, სიუჟეტების, სოციალურ ქსელში დადებული ინფორმაციის სახით, რომელთა ნაწილი აღარ არსებობს, ნაწილი კი შემონახულია; თუმცა, როგორც მოსამართლე, ვიტყვი, რომ, თუკი კონკრეტული მტკიცებულებების ავთენტიკურობა არ არის დადგენილი, ამ მასალებზე შემდეგი შეფასება და მსჯელობა, მაგალითად, საერთო სასამართლოების სისტემაში, არც მიიღება და არც განიხილება − სამართლებრივად შეუძლებელია, ვიმსჯელოთ, თუკი ექსპერტიზა არ არსებობს; ვინაიდან ყალბია თუ არა მტკიცებულება, ეს მხოლოდ ექსპერტის შესაფასებელია, არცერთი მოსამართლე ექსპერტი არ არის“, – განაცხადა გასიტაშვილმა.

გასიტაშვილის თქმით, საქართველოს სახელმწიფოს ბრიტანელმა ადვოკატმა ბენ ემერსონმა ღირსეულად წარადგინა ქვეყანა სასამართლოზე.

„ემოციურად ძალიან ამაღელვებელი იყო ბრიტანელი ადვოკატის მიერ იმის აღნიშვნაც, თუ რამდენად განსაკუთრებული თარიღია ჩვენთვის 26 მაისი. 26 მაისს აღინიშნება საქართველოს დამოუკიდებლობის მიღებიდან 100 წლისთავი. ბენ ემერსონმა საამაყოდ წარმოადგინა ჩვენი მხარე და დიდ წარმატებას ვუსურვებ ქვეყანას. ის, რაც სამართლიანია, ვფიქრობ, სწორი გეზი უნდა ჰპოვოს. არის რიგი საკითხებისა იურისდიქციის მიმართულებით. მართლაც გარკვეული პრეცედენტია შესაქმნელი ამ საქმეზე, რადგან სახელმწიფოთაშორისი დავები ამ სასამართლოსთვისაც კი ცოტა შეზღუდული და სხვა კრიტერიუმით განიხილება. ასე რომ, დღეს საქართველო მართლაც ისტორიული პროცესის მონაწილეა და ვნახოთ, ჩვენ ერთად ვაკვირდებით ამ პროცესს“, – თქვა გასიტაშვილმა.

დღეს სტრასბურგის სასამართლოში აგვისტოს ომის საქმეზე „საქართველო რუსეთის წინააღმდეგ (საქმე II)“, რომელშიც საქართველო რუსეთს ევროპული კონვენციის რვა მუხლის დარღვევაში ადანაშაულებს, ზეპირი მოსმენა გაიმართა. მას განიხილავდა დიდი პალატა, რომელიც 17 ქვეყნიდან, მათ შორის საქართველოდან და რუსეთიდან არჩეული მოსამართლეებითაა დაკომპლექტებული.

გიორგი გახარია ევროპული საბჭოს პრეზიდენტ შარლ მიშელს შეხვდა

29 სექტემბერი, 2020 , 17:49

საქართველოს პრემიერ-მინისტრი გიორგი გახარია ბრიუსელში ოფიციალური ვიზიტის ფარგლებში ევროპული საბჭოს პრეზიდენტ შარლ მიშელს შეხვდა.  მთავრობის ადმინისტრაციის პრესსამსახურის ცნობით, მხარეებმა ყურადღება დაუთმეს COVID-19-

საქართველოს პრეზიდენტი სალომე ზურაბიშვილი ევროპის საბჭოს საქართველოს ოფისის ხელმძღვანელს, ნატალია ვუტოვას შეხვდა

29 სექტემბერი, 2020 , 16:45

საქართველოს პრეზიდენტი სალომე ზურაბიშვილი ევროპის საბჭოს საქართველოს ოფისის ხელმძღვანელს, ნატალია ვუტოვას შეხვდა. ორბელიანების სასახლეში გამართულ გაცნობითი ხასიათის შეხვედრაზე ელჩმა მაღალი შეფასება მისცა საქართველოს ევრო

მმართველი გუნდის წევრებისთვის საერთო მაუწყებლის მიერ დაგეგმილ დებატებში მონაწილეობა სავალდებულო უნდა გახდეს - „ლელო“ ახალი ინიციატივით გამოდის

29 სექტემბერი, 2020 , 16:05

„ლელოს“ ლიდერებმა და მაჟორიტარი დეპუტატობის კანდიდატებმა - კახა კოჟორიძემ და ლევან კობერიძემ პარლამენტში საკანონმდებლო ინიციატივა წარადგინეს, რომლის თანახმადაც, მმართველი გუნდის წევრებისთვის სავალდებულო უნდა

„ქართული ოცნება“ სრულ საარჩევნო სიას პირველ ოქტომბერს გამოაქვეყნებს

29 სექტემბერი, 2020 , 15:30

„ქართული ოცნების“ სრული საარჩევნო სია პირველ ოქტომბერს გამოქვეყნდება, – ამის შესახებ „ქართული ოცნების“ აღმასრულებელმა მდივანმა, ირაკლი კობახიძემ განაცხადა. „გამსვლელ სიაში ოცეულის შემდ

მავნებლობა და დესტრუქცია არის ერთ-ერთი საგანგებო რესურსი, რომელსაც ჩვენი ოპონენტების გარკვეული ჯგუფი იყენებს - გია ვოლსკი

29 სექტემბერი, 2020 , 15:30

მავნებლობა და დესტრუქცია არის ერთ-ერთი საგანგებო რესურსი, რომელსაც ჩვენი ოპონენტების გარკვეული ჯგუფი იყენებს, – ამის შესახებ პარლამენტის პირველმა ვიცე -სპიკერმა, გია ვოლსკიმ პარლამენტის პლენარულ სესიაზე განაცხადა.

გიორგი გახარია ნატოს შტაბბინაში იენს სტოლტენბერგს შეხვდა

29 სექტემბერი, 2020 , 14:45

საქართველოს ნატოში ინტეგრაციის პროცესი და შავი ზღვის უსაფრთხოება იყო ძირითადი თემები საქართველოს პრემიერ-მინისტრ გიორგი გახარიასა და ნატოს გენერალური მდივნის, იენს სტოლტენბერგის შეხვედრაზე, რომელიც დღეს ბრიუსელში, ნატო-ს

პირდაპირი TV

daily calendar

ვიდეო გალერეა

პოლიტიკური პარასკევი ნატო ჩხეიძე