უკან

უახლესი ამბები

დღის კალენდარი

ანონსები

არქივი

პოლიტიკა

7 სექტემბერი, 2017 14:10
font-size

საქართველოს პარლამენტმა „გირჩის“ წინადადება „სითი პარკთან“ დაკავშირებით განსახილველად არ მიიღო

საქართველოს პარლამენტის იურიდიულ საკითხთა კომიტეტმა უარი უთხრა ახალ პოლიტიკურ პლატფორმა „გირჩის“ საკანონმდებლო წინადადების განხილვაზე, რომელიც ეხებოდა „სითი პარკთან“ პარკირების განსაზღვრული წესების შეცვლას.

პარტიის წევრის, იაგო ხვიჩიას განცხადებით, კომიტეტის თავმჯდომარემ ეკა ბესელიამ მიზანშეუწონლად ჩათვალა აღნიშნული წინადადების განხილვა. საპარლამენტო უმრავლესობის წევრის განმარტებით, საკითხი არ შედის საკანონმდებლო ორგანოს კომპეტენციაში, ასევე ამ დროისთვის „სითი პარკის“ ფუნქციების შეზღუდვა არაა საჭირო, რასაც „გირჩი“ არ ეთანხმება. იაგო ხვიჩიას თქმით, არაა გამორიცხული, რომ „სითი პარკის“ შენარჩუნება ხელისუფლების ინტერესებში შედიოდეს.

„როგორც იცით, „გირჩმა“ საქართველოს პარლამენტს მიმართა საკანონმდებლო წინადადებით აღვირახსნილი „სითი პარკის“ შეზღუდვის შესახებ, რომ კომპანიას არ ჰქონოდა საშუალება, ასე გადაეყვანა ჩვენი მანქანები დაცულ ავტოსადგომზე და ადამიანებისთვის 10 ლარის ნაცვლად გადაეხდევინა 150 ლარი.

პარლამენტისგან მივიღეთ წერილი ქალბატონი ეკა ბესელიას ხელმოწერით, რომელშიც ის უარს აცხადებს ჩვენი საკანონმდებლო წინადადების განხილვაზე შემდეგი არგუმენტაციით: პირველი, ის ამბობს , რომ ეს საკითხი არ განეკუთნება საქართველოს პარლამენტის კომპეტენციას, ესაა ადგილობრივი თვითმმართველობის კომპეტენცია. მე აქვე მივუგებდი ჩემს კოლეგას, იურისტ ეკა ბესელიას, რომ ჩვენ გვინდოდა ცვლილება საქართველოს ადმინისტრაციული სამართალდარღვევათა კოდექსში, რომელიც, მართალია, არაა მიღებული საქართველოს პარლამენტის მიერ, არამედ საქართველოს სსრ უმაღლესი პრეზიდიუმის მიერ 1982 წელს, მაგრამ არის კანონი, რომელშიც ცვლილებები შეტანილია საქართველოს პარლამენტის მიერ და არასდროს თბილისის მერიას ან ადგილობრივი თვითმმართველობის ორგანოს აზრად არ მოსვლიათ, ამ კანონში ცვლილებები შეეტანათ. შესაბამისად, ესაა სრულიად აბსურდული არგუმენტი, რომელიც შეეძლო ეპასუხებინა იურიდიულ საკითხთა კომიტეტის თავმჯდომარეს.

რაც შეეხება მეორე არგუმენტს, ქალბატონი ეკა ბესელია მიიჩნევს, რომ მიზანშეუწონელია ახლა „სითი პარკის“ შეზღუდვა. მე შევახსენებდი ქალბატონ ეკას 2011-2012 წლებში მიცემული წინასაარჩევნო დაპირება, როცა თვითონ ეკა ბესელია და მისი პარტია „ქართული ოცნება“ „სითი პარკის“ ალაგმვას პირდებოდა საქართველოს მოსახლეობას. მაშინ თუ იყო მიზანშეწონილი, რა შეიცვალა ამ პერიოდის განმავლობაში და ხომ არაა ადგილი ფარულ გარიგებას ეკა ბესელიას პარტიასა და „სითი პარკს“ შორის. სხვა რამ განაპირობა მიზანშეუწონლობას, თუკი 5 წლის წინ ეს იყო მიზანშეწონილი. ეს კითხვები მაქვს ეკა ბესელიასთან“, -განაცხადა იაგო ხვიჩიამ.

ანა მებურიშვილი

ჩვენ დღეს თავისუფალ ქვეყანაში ვცხოვრობთ და ევროპულ სახელმწიფოს ვაშენებთ. ამაში ზვიად გამსახურდიას დიდი წვლილი მიუძღვის - გიორგი გახარია

31 მარტი, 2020 , 20:42

ჩვენ დღეს თავისუფალ და დამოუკიდებელ ქვეყანაში ვცხოვრობთ და ევროპულ სახელმწიფოს ვაშენებთ, რაშიც ზვიად გამსახურდიას დიდი წვლილი მიუძღვის, – ამის შესახებ საქართველოს პრემიერ-მინისტრი სოციალურ ქსელში წერს. „დღეს

სახლში დარჩენის გარდა, რას სთავაზობს ხელისუფლება ხალხს?! - ნინო ბურჯანაძე

31 მარტი, 2020 , 12:50

„რაც არ უნდა მძიმე იყოს ჩვენი მდგომარეობა, ჩვენ აუცილებლად გვჭირდება სტრატეგიული ანტიკრიზისული გეგმა. იმ ადამიანს, რომელსაც ეუბნები, რომ კარანტინის დროს სახლში უნდა დარჩეს, მან აუცილებლად უნდა იცოდეს ორი დღის შემდე

არც კარანტინია გამორიცხული და არაფერი - გია ვოლსკი

30 მარტი, 2020 , 16:50

თუ საგანგებო მდგომარეობა გამკაცრდება, ან საკარანტინო რეჟიმი გამოცხადდება, ეს იქნება დამყარებული არა რომელიმე პოლიტიკოსის გადაწყვეტილებაზე, ან პოპულისტურ ქმედებებზე, რაც ბოლო პერიოდში ჩვენს ოპონენტებს დასჩემდათ, არამედ ჩა

„ერთიანი საქართველო“ ხელისუფლებას ანტიკრიზისულ გეგმას სთავაზობს

28 მარტი, 2020 , 15:00

„ერთიანი საქართველოს“ ლიდერი ნინო ბურჯანაძე ხელისუფლებას ანტიკრიზისულ გეგმას სთავაზობს. „ჩვენ, „ერთიან საქართველოს“, გვინდა წარმოგიდგინოთ, შედარებით მოკრძალებული და რეალისტური გეგმა სწორედ ჩ

დღეს ისე როგორც არასდროს საჭიროა ევროპული სოლიდარობის დემონსტრირება - საქართველოს საგარეო საქმეთა სამინისტრო

25 მარტი, 2020 , 22:42

საქართველოს საგარეო საქმეთა სამინისტრო ევროკავშირის დაარსებისთვის საფუძველის ჩაყრის 63 წლისთავთან დაკავშირებით განცხადებას ავრცელებს. "ზუსტად 63 წლის წინ, 1957 წლის 25 მარტს, ევროპის ქვეყნებმა რომის ხელშეკრულების ხელმოწე

არჩილ თალაკვაძესა და ადამ კინზინგერს შორის სატელეფონო საუბარი გაიმართა

25 მარტი, 2020 , 11:25

საქართველოს პარლამენტის პრესსამსახური არჩილ თალაკვაძესა და ამერიკელ კონგერსმენ ადამ კინზინგერს შორის სატელეფონო საუბრის შესახებ ინფორმაციას ავრცელებს. როგორც საქართველოს პარლამენტის პრესსამსახურის ინფორმაციაშია ნათქვამი,