მსოფლიო

საქართველოს შესვლამ ნატო-ში შესაძლოა, საშინელი კონფლიქტის პროვოცირება მოახდინოს - დიმიტრი მედვედევი

რუსეთის პრემიერ-მინისტრის, დიმიტრი მედვედევის განცხადებით, საქართველოს ნატო-ში გაწევრიანებას შესაძლოა, კატასტროფული შედეგები მოჰყვეს.

„საქართველოს შესვლამ ნატო-ში შესაძლოა, საშინელი კონფლიქტის პროვოცირება მოახდინოს, გაუგებარია, რისთვისაა ეს საჭირო“, - განაცხადა მედვედევმა რადიო „Коммерсант ФМ“-თან ინტერვიუში.

2008 წლის აგვისტოს ომზე საუბრისას მედვედევმა განაცხადა, რომ მისი თავიდან აცილება შესაძლებელი იყო.

12 ივლისს ნატო-ს გენერალურმა მდივანმა იენს სტოლტენბერგმა კიდევ ერთხელ დაადასტურა ალიანსის მზაობა, რომ საქართველო მიიღოს თავის რიგებში. 10 წლის წინ ნატო-ს ბუქარესტის სამიტზე ალიანსის წევრმა სახელმწიფოებმა პირობა დადეს, რომ საქართველო და უკრაინა ნატო-ს წევრები გახდებიან.