პოლიტიკა

საქართველოში მარიხუანას მოხმარება არის სრულად ლეგალური - ზურაბ ჯაფარიძე

„გირჩის“ ლიდერის, ზურაბ ჯაფარიძის განცხადებით, საკონსტიტუციო სასამართლოს გადაწყვეტილებით, მარიხუანის მოხმარება სრულიად ლეგალიზებულია.

„მინდა, ყველას მოგილოცოთ ის გადაწყვეტილება, რომელიც გამოიტანა საკონსტიტუციო სასამართლომ. ამ გადაწყვეტილებით საქართველო გახდა უფრო თავისუფალი ქვეყანა. მარიხუანას მოხმარებაზე ადმინისტრაციული სასჯელი საკონსტიტუციო სასამართლოს გადაწყვეტილებით გაუქმდა, რაც ნიშნავს რომ საქართველოში მარიხუანას მოხმარება არის სრულად ლეგალური. მარიხუანას მოხმარების გამო ამ ქვეყანაში ადამიანს ვეღარ დასჯიან“, - განაცხადა ჯაფარიძემ სასამართლოს გადაწყვეტილების გამოცხადების შემდეგ.

საქართველოს საკონსტიტუციო სასამართლოს პირველმა კოლეგიამ „გირჩის“ წევრების ზურაბ ჯაფარიძისა და ვახტანგ მეგრელიშვილის ერთობლივი სარჩელი დააკმაყოფილა, რომლითაც მარიხუანას მოხმარებაზე ადმინისტრაციული სასჯელი გააუქმა.