საზოგადოება

საქართველოში ნაწლავის ჩხირით დაავადების 45 შემთხვევა დაფიქსირდა - პაატა იმნაძე

საქართველოში ნაწლავის ჩხირით, კერძოდ, ენტერო-ჰემორაგიული (ECEH) E. coli ბაქტერიით დაავადების 45 შემთხვევა დაფიქსირდა, არც ერთი ლეტალური შედეგით არ დასრულებულა, მაგრამ ჰქონდა გართულებები, - განაცხადა დაავადებათა კონტროლის ეროვნული ცენტრის სამეცნიერო საბჭო თავმჯდომარე პაატა იმნაძემ დღეს გამარულთ პრესკონფერენციაზე.

მისი თქმით, მიმდინარე წელს დაავადების მცირე აფეთქების სამი შემთხვევა დაფიქსირდა, ერთი თბილისში, ერთი კახეთის ერთ-ერთ რაიონში, რომელიც სარიტუალო სუფრებთან იყო დაკავშირებული და ერთი მაღალმთიან რაიონში, რუსეთიდან ჩამოსული ბავშვების ჯგუფში.

დაავადების გავრცელების ჰიგიენური წესების დაუცველობას სახელდება. კერძოდ, ჰოსტელში, სადაც რუსი ტურისტები ისვენებდნენ 2 დღის განმავლობაში არ ჰქონდათ წყალი, ჰიგიენური პირობების დაცვა შეუძლებელი იყო, რის გამოც 3 ბავშვს განუვითარდა დაავადების მწვავე ფორმა, თირკმელის უკმარისობა. ჯგუფი უკვე დაბრუნდა სამშობლოში, 2 ბავშვი ამ დრომდე განაგრძობს მკურნალობას რუსეთში.

პაატა იმნაძის განცხადებით, ნაწლავის ჩხირი E.col -ი იწვევს სისხლიან ფაღარათს, ის განსაკუთრებით საშიშია ბავშვებსა და მოხუცებში. ფაღარათის დროს გადაუდებლად საჭიროა ექიმთან ვიზიტი. აღნიშნული დაავადების დროს სარისკოა ანტიბიოტიკების მიღება.

პაატა იმნაძის ინფორმაციით, E. coli, ანუ კოლიბაცილები კომენსალური ნაწლავური ბაქტერიებია, ის სრულიად უვნებელია ადამიანისთვის მანამ, სანამ ნაწლავური მილებითაა შემოფარგლული. ადამიანის ორგანიზმში ისინი დიდი რაოდენობით, 100 მილიონიდან მილიარდ გრამამდეა და ხერხემლიანების განავალში. ამის შემდეგ ისინი წყალსა და ნალექში ხვდება. ენტერო-ჰემოროგენული ქაფი E. coli, რომელიც მსხვილფეხა ცხოველებისგან მოდის, მათთვის საშიშროებას არ წარმოადგენს, მაგრამ შეიძლება წყალში აღმოჩნდეს და გადავიდეს ადამიანზე ხორციდან, ან დაავადებული ბოსტნეულიდან და წყლიდან.

პაატა იმნაძის განცხადებით, ზაფხულის პერიოდში ინფექციური დაავადებები ჩვეულებრივზე 20%-ით მატულობს და მოსახლეობას მოუწოდებს მკაცრად დაიცვან ჰიგიენური ნორმები.