კომენტარი

სასამართლო სისტემა იქცა უბედურებად - ლევან გოგიჩაიშვილი

„სასამართლო სისტემა იქცა უბედურებად, გეტირება ადამიანს ისეთ დღეში არის დღეს სასამართლო სისტემა,“ - ამის შესახებ პარლამენტის წევრმა, საბურთალოს მაჟორიტარი დეპუტატმა, ლევან გოგიჩაიშვილმა განაცხადა.

გოგიჩაიშვილის განცხადებით, ხელისუფლება კლანის დახმარებით ცდილობს სასამართლოს მთლიანად ხელში ჩაგდებას.

„იუსტიციის საბჭოს არამოსამართლე წევრები ამბობენ, რომ ადგილი აქვს ნეპოტიზმს, როცა სიძემ მხარი ცოლისძმას დაუჭირა. სამწუხაროდ, ჩვენი სასამართლო სისტემა უბედურებად იქცა. ადამიანს გეტირება, ისეთ დღეშია სასამართლო სისტემა და ისეთი ადამიანები უნდათ, რომ უვადო მოსამართლეებად გაიყვანონ. ესენი არიან კლანის წევრები არიან, თავის დროზე ბინძური საქმეები აქვთ ნაკეთები, ადეიშვილის გაზრდილები არიან. „ნაციონალურ მოძრაობასა“ და „ქართულ ოცნებას“ შორის შინაარსობრივი განსხვავება მართვის სტილში აღარ არის, განსხვავებაა აგრესიის დონეში. ის იყო მოძულე ხელისუფლება, ეს ხელისუფლება კი ისეთია, რომ ყველაფერს გააკეთებს, მოგატყუებს, ფეხს დაგიდებს, სხვა სტილით, მაგრამ ავტორიტარული მისწარაფებებით“,- განაცხადა გოგიჩაიშვილმა.