კომენტარი

შესაძლოა, ვენეციის კომისიის დასკვნის საფუძველზე ხელისუფლება იძულებული გახდეს, მანდატების განაწილების წესი შეცვალოს - ზურაბ ჭიაბერაშვილი

"ევროპული საქართველოს" წევრი, ზურაბ ჭიაბერაშვილი არ გამორიცხავს, რომ ვენეციის კომისიის დასკვნის საფუძველზე, „ხელისუფლება გახდეს იძულებული, მანდატების განაწილების წესი შეცვალოს“.

"ვენეციის კომისიის კრიტიკული დამოკიდებულება მანდატების განაწილების იმ წესის მიმართ, რაც "ქართულმა ოცნებამ" შემოგვთავაზა, მოსალოდნელი იყო. ეს არ არის საყოველთაოდ გაზიარებული პრაქტიკა ევროპაში. სრულიად შესაძლებელია, რომ ვენეციის კომისიის დასკვნის საფუძველზე, ხელისუფლება გახდეს იძულებული, მანდატების განაწილების ის უსამართლო წესი, რაც შემოგვთავაზა, შეცვალოს და დაამკვიდროს მანდატების განაწილების სამართლიანი წესი, რასაც ჩვენ, "ევროპული საქართველო" სხვა ოპოზიციურ პარტიებთან ერთად ვთავაზობთ", - განუცხადა ჟურნალისტებს ჭიაბერაშვილმა.

პარლამენტის პირველმა ვიცე-სპიკერმა თამარ ჩუგოშვილმა ჟურნალისტებთან საუბარში გუშინ დაადასტურა, რომ ერთ-ერთი საკითხი, რაზეც ვენეციის კომისიას გარკვეული შენიშვნა აქვს, მანდატების განაწილებას უკავშირდება.

ნინო ექვთიმიშვილი