უკან

უახლესი ამბები

დღის კალენდარი

ანონსები

არქივი

პოლიტიკა

16 მაისი, 2018 17:30
font-size

შეცდომები არა „ფრიდომ ჰაუსის“, არამედ მიკერძოებული არასამთავრობო ორგანიზაციებისა და მიკერძოებული სუბიექტების ბრალია - ირაკლი კობახიძე

საქართველოს პარლამენტის თავმჯდომარის ირაკლი კობახიძის განცხადებით, საერთაშორისო არასამთავრობო ორგანიზაციის „ფრიდომ ჰაუსის“ მიერ თავის 2017 წლის ანგარიშში ფაქტების ჩასწორება იმაზე მიუთითებს, რომ მის მიმართ შენიშვნები მართებული იყო.

კობახიძემ არასამთავრობო ორგანიზაციები და საქართველოს პრეზიდენტი დაადანაშაულა იმაში, რომ მათ მიერ მიწოდებული ინფორმაციით „ფრიდომ ჰაუსი“ შეცდომაში შეიყვანეს.

„ჩვენ ვამბობდით, რომ იყო არაერთი, პრაქტიკულად, ათეულობით შეცდომა. იყო ფაქტობრივი შეცდომები Freedom House-ის ანგარიშში, ამაზე ჩვენ გავამახვილეთ ყურადღება და ძალიან კარგია, რომ თანდათანობით ხდება ამ შეცდომების აღიარება. მე ვფიქრობ, ეს არ არის Freedom House-ის ბრალი, ეს არის იმ მიკერძოებული ორგანიზაციების და იმ მიკერძოებული სუბიექტების ბრალი, რომლებიც აწვდიან არასწორ ინფორმაციას Freedom House-ს. ეს არის მთელი რიგი არასამთავრობო ორგანიზაციები საქართველოში, ეს არის, მათ შორის, საქართველოს პრეზიდენტი, რომლის ინფორმაციასაც ეფუძნებოდა Freedom House-ის ანგარიში. სამწუხაროდ, ამ მიკერძოებული ინფორმაციის საფუძველზე ჩამოყალიბდა არასწორი დასკვნა მთელი რიგი ხარვეზებით, ფაქტობრივი უზუსტობებით და ძალიან კარგია, რომ ეს უზუსტობები სწორდება. ძალიან კარგია, რომ ყურადღება გამახვილდა ამ ყველაფერზე. ეს ყველაფერი მიუთითებს იმაზე, რომ სწორი იყო ჩვენი მხრიდან ამ ანგარიშის გაკრიტიკება და ამ უზუსტობებზე და შეცდომებზე მითითება“, - განაცხადა კობახიძემ.

11 აპრილს „ფრიდომ ჰაუსმა“ ანგარიში გამოაქვეყნა, რომლის თანახმად საქართველოში მედიათავისუფლების თვალსაზრისით გაუარესებული ტენდენცია შეინიშნება. ამის დასადასტურებლად ორგანიზაციას რამდენიმე ფაქტი ჰქონდა მითითებული, მათ შორის საზოგადოებრივი მაუწყებლის მეორე არხის დახურვა. 2 დღეში ორგანიზაციამ ეს შეცდომა აღიარა.

რაც შეეხება „იმედს“, ანგარიშში ეწერა, რომ 2012 წლამდე ტელეკომპანია კრიტიკული იყო მაშინდელი ხელისუფლების მიმართ, თუმცა ვითარება შეიცვალა მთავრობაში „ქართული ოცნების“ მოსვლით. „ფრიდომ ჰაუსის“ დასკვნაში ეწერა, რომ არხი ლოიალურია მოქმედი მმაღტველი გუნდის მიმართ. 14 მაისს ორგანიზაციის ვებგვერდზე შენიშვნა გამოქვეყნდა, რომელშიც „ფრიდომ ჰაუსმა“ „იმედთან“ დაკავშირებით ორი მცდარი ფაქტი აღიარა და სენიშვნით სახით გაასწორა. იქ წერია, რომ „ამ ანგარიშის თავდაპირველ ვერსიაში შეცდომით ეწერა, რომ ტელეკომპანია „იმედზე“ საკუთრების უფლება გარდაცვლილი ბიზნესმენის ბადრი პატარკაციშვილის ოჯახს „ქართული ოცნების“ მთავრობამ დაუბრუნა. სინამდვილეში, ტელეკომპანიაზე კონტროლი ოჯახს დაუბრუნა „ერთიანმა ნაციონალურმა მოძრაობამ“ მას შემდეგ, რაც ის 2012 წლის ოქტომბრის საპარლამენტო არჩევნებში „ქართულმა ოცნებამ“ დაამარცხა. ასევე, ამ ანგარიშის თავდაპირველ ვერსიაში არასწორად იყო აღნიშნული, თითქოს ტელეკომპანია „იმედის“, „მაესტროსა“ და GDS-ის გაერთიანება „შერწყმის“ შედეგი იყო, როდესაც სინამდვილეში ეს კომბინაცია ორი გარიგების შედეგია“.

საარჩევნო უბნებზე ხმის მიცემის პროცესი დასრულდა

19 მაისი, 2019 , 20:42

საარჩევნო უბნებზე ხმის მიცემის პროცესი დასრულდა. დაიხურა საარჩევნო უბნები. ამომრჩევლებს პარლამენტის და საკრებულოს შუალედურ არჩევნებში, ასევე მერის რიგგარეშე არჩევნებში ხმის მიცემის საშუალება უკვე აღარ აქვთ. დღეს, თბილისშ

კახა კალაძემ ამომრჩევლებს აქტიურობისკენ მოუწოდა

19 მაისი, 2019 , 11:40

ყველა წინასწარი პროგნოზის მიხედვით, მაღალი აქტივობის შემთხვევაში, პირველივე ტურში გამარჯვების ძალიან დიდი, რეალური შანსი გვაქვს, – ამის შესახებ „ქართული ოცნების“ გენერალურმა მდივანმა, კახა კალაძემ განაც

საქართველოს საერთაშორისო სავალუტო ფონდის მმართველი დირექტორი კრისტინ ლაგარდი ეწვევა

19 მაისი, 2019 , 10:00

საქართველოს 19-21 მაისს, სამუშაო ვიზიტით საერთაშორისო სავალუტო ფონდის (სსფ) მმართველი დირექტორი, კრისტინ ლაგარდი ეწვევა. საქართველოს პრემიერ-მინისტრის პრესსამსახურის ინფორმაციით, 20 მაისს სსფ-ის მმართველ დირექტორს საქართ

უკან არ დავიხევ და არც დამიხევია აქამდეც, მაგრამ ახლა გადმოვალ შეტევაზე - მიხეილ სააკაშვილი

19 მაისი, 2019 , 09:00

თუ ამ არჩევნებს ის რაღაც მექანიზმებით ან გააყალბებს ან მოიპარავს, მაშინ ჩვენ უნდა გამოვაცხადოთ საყოველთაო მობილიზაცია ქვეყნის მასშტაბით - ეს განცხადება, საქართველოს მესამე პრეზიდენტმა, მიხეილ სააკაშვილმა გააკეთა. სააკაშვ

საქართველოში რიგგარეშე/შუალედური არჩევნები მიმდინარეობს

19 მაისი, 2019 , 08:29

პარლამენტისა და საკრებულოს შუალედური და მერის რიგგარეშე არჩევნებისთვის, 08:00 საათზე, ყველა საარჩევნო უბანი გაიხსნა. დღეს, თბილისში, №1 მაჟორიტარულ საარჩევნო ოლქში საქართველოს პარლამენტის შუალედური, მარნეულის, ზესტაფონის

საქართველოს პრეზიდენტმა ტალინში უსაფრთხოების კონფერენციის ღია დისკუსიაში მიიღო მონაწილეობა

18 მაისი, 2019 , 13:00

საქართველოს პრეზიდენტმა სალომე ზურაბიშვილმა ტალინში, ლენარტ მერის უსაფრთხოების კონფერენციის (LMC) ღია დისკუსიაში მონაწილეობა ესტონეთის პრეზიდენტთან და გერმანიის ფედერაციული რესპუბლიკის თავდაცვის მინისტრთან, ურსულა ფონ დე