უკან

უახლესი ამბები

დღის კალენდარი

ანონსები

არქივი

პოლიტიკა

26 იანვარი, 2017 18:10
font-size

სოფიო ქაცარავა და დიმიტრი ცქიტიშვილი შვედეთის საპარლამენტო დელეგაციას შეხვდნენ

საქართველოს პარლამენტის დელეგაცია სტრასბურგში ვიზიტს აგრძელებს. ევროპის საბჭოს საპარლამენტო ასამბლეის ზამთრის სესიაში მონაწილეობის პარალელურად, ქართველი დეპუტატები მაღალი რანგის შეხვედრებს მართავენ.

დღეს საქართველოს პარლამენტის საგარეო ურთიერთობათა კომიტეტის თავმჯდომარემ, სოფიო ქაცარავამ და კომიტეტის თავმჯდომარის მოადგილემ, დიმიტრი ცქიტიშვილმა შეხვედრა შვედეთის სამეფოს პარლამენტის (რიკსდაგი) წევრებთან გამართეს.

მხარეებმა ორმხრივი ურთიერთობებისა და ევროპის საბჭოს საპარლამენტო ასამბლეის ფორმატში, თანამშრომლობის გაღრმავების შესახებ ისაუბრეს. როგორც შეხვედრის დასრულების შემდეგ საგარეო ურთიერთობათა კომიტეტის თავმჯდომარემ განაცხადა, თებერვალში საქართველოს ვიზიტით შვედეთის პარლამენტის საგარეო საქმეთა კომიტეტის წევრები ეწვევიან.

„განვიხილეთ ევროპის საბჭოს საპარლამენტო ასამბლეის ფორმატში ურთიერთობების გაძლიერების საკითხი, ასევე, გავამახვილეთ ყურადღება შვედეთსა და საქართველოს შორის ორმხრივი ურთიერთობების გაძლიერებასა და გაფართოებაზე და ჩვენი ხედვა, ასევე, კონკრეტული გეგმები გავაცანით“, - განაცხადა სოფიო ქაცარავამ.

დიმიტრი ცქიტიშვილის განცხადებით, შეხვედრაზე საპარლამენტო მეგობრობის ჯგუფების მუშაობის გააქტიურებაზე ისაუბრეს, რაც მისივე შეფასებით, ორ ქვეყანას შორის ურთიერთობის გაღრმავებას კიდევ უფრო შეუწყობს ხელს. საგარეო ურთიერთობათა კომიტეტის თავმჯდომარის მოადგილის თქმით, მხარეებმა, ასევე, საქართველოსა და შვედეთს შორის მრავალმხრივი თანამშრომლობის საკითხები განიხილეს.

„შეხვედრა გვქონდა შვედეთის სოციალ-დემოკრატიული პარტიის წარმომადგენლებთან ევროსაბჭოს საპარლამენტო ასამბლეაში, რომლის დროსაც ჩვენი ურთიერთობების რამდენიმე საკითხი განვიხილეთ. პირველ რიგში, ეს იყო თანამშრომლობა და საქმიანობის კოორდინაცია მრავალმხრივი ურთიერთობების ფორმატში, იმისთვის, რომ ურთიერთმხარდაჭერის კუთხით ჩვენთვის უფრო სასარგებლო საკითხები იქნას გატანილი ევროსაბჭოს სხვადასხვა მოხსენებებში და რეზოლუციებში.

ასევე, საუბარი იყო ორმხრივ ურთიერთობებზე, სადაც აღვნიშნეთ, რომ ძალიან მნიშვნელოვანია შვედეთთან ურთიერთობების გაძლიერება, რომ თანამშრომლობამ სხვადასხვა საკითხები მოიცვას და უფრო აქტიური, დინამიური იყოს.

ვგეგმავთ შვედეთთან საქართველოს საპარლამენტო მეგობრობის ჯგუფის მუშაობა გავააქტიუროთ, რაც ერთ-ერთი დამატებითი ინსტრუმენტი იქნება შვედეთ-საქართველოს შორის თანამშრომლობის გაღრმავების და გაძლიერების. საკითხები ძალიან ბევრია, მათ შორის, როგორც ეკონომიკური და სოციალური განვითარების, ასევე, პოლიტიკური, გენდერის, გარემოს დაცვის და სხვა საკითხები. ძალიან ბევრ საკითხში შვედეთი სამაგალითოა არა მარტო ჩვენთვის, არამედ მთლიანად ევროპისთვის“, - განაცხადა დიმიტრი ცქიტიშვილმა.

საქართველოს საპარლამენტო დელეგაციას პარლამენტის თავმჯდომარის პირველი მოადგილე, თამარ ჩუგოშვილი ხელმძღვანელობს. დელეგაციის შემადგენლობაში სოფიო ქაცარავა, დიმიტრი ცქიტიშვილი, ნინო გოგუაძე, ირინე ფრუიძე, ზვიად კვაჭანტირაძე, ეკა ბესელია, გიორგი კანდელაკი და გელა მიქაძე შედიან.

პოლიტიკური გაერთიანება „რეფორმატორები“ ახალ თავმჯდომარეს აირჩევს

21 აპრილი, 2019 , 10:00

2019 წლის 21 აპრილს, 14:00 საათზე სასტუმრო „თბილისი მერიოტში“ (რუსთაველის გამზ. 13, საკონფერენციო დარბაზი) გაიმართება მოქალაქეთა პოლიტიკური გაერთიანება „რეფორმატორების“ მორიგი ყრილობა. ყრილობის დღ

პოლიტიკური გაერთიანება „რეფორმატორები“ ახალ თავმჯდომარეს აირჩევს

20 აპრილი, 2019 , 15:00

2019 წლის 21 აპრილს, 14:00 საათზე სასტუმრო „თბილისი მერიოტში“ (რუსთაველის გამზ. 13, საკონფერენციო დარბაზი) გაიმართება მოქალაქეთა პოლიტიკური გაერთიანება „რეფორმატორების“ მორიგი ყრილობა. ყრილობის დღ

სახელმწიფო უსაფრთხოების სამსახურის უფროსი საქართველოში ევროკავშირის ელჩს შეხვდა

20 აპრილი, 2019 , 12:15

სახელმწიფო უსაფრთხოების სამსახურის უფროსმა, ვახტანგ გომელაურმა საქართველოში ევროკავშირის ელჩთან, კარლ ჰარცელთან გაცნობითი ხასიათის შეხვედრა გამართა. როგორც სუს-ში აცხადებენ, მხარეებმა უსაფრთხოების მიმართულებით ევროკავშირ

საქართველოს პრეზიდენტსა და ესტონეთის პრეზიდენტს შორის სატელეფონო საუბარი შედგა

20 აპრილი, 2019 , 10:20

საქართველოს პრეზიდენტსა და ესტონეთის პრეზიდენტს შორის სატელეფონო საუბარი შედგა. საქართველოს პრეზიდენტის პრესსამსახურის ინფორმაციით, სატელეფონო საუბარი სალომე ზურაბიშვილის ინიციატივით გაიმართა. სალომე ზურაბიშვილმა მადლობა

გიორგი ქობულიასთან დაკავშირებით გადაწყვეტილება მივიღე მე - მამუკა ბახტაძე

19 აპრილი, 2019 , 15:40

საქართველოს პრემეირ-მინისტრი მამუკა ბახტაძე აცხადებს, რომ გიორგი ქობულიასთან გუშინაც ჰქონდა შეხვედრა და დღესაც ექნება მთავრობის სხდომის შემდეგ. ამის შესახებ მამუკა ბახტაძემ მთავრობის სხდომის დაწყებამდე განაცხადა ჟურნალის

ნათია თურნავას ამბიციური და მკაცრი დავალებები ექნება შესასრულებელი - მამუკა ბახტაძე

19 აპრილი, 2019 , 14:25

საქართველოს პრემიერ-მინისტრმა, მამუკა ბახტაძემ ეკონომიკისა და მდგრადი განვითარების მინისტრად ნათია თურნავა წარადგინა. როგორც მამუკა ბახტაძემ აღნიშნა, დავალებები, რომელიც ახალ მინისტრს ექნება შესასრულებელი იქნება ამბიციურ

ვიდეო გალერეა

ნატო ჩხეიძე ინგა გრიგოლიასთან `რეაქციაში` - 07.03.2019