მსოფლიო
სომხეთში მომხდარი მიწისძვრის შედეგად ადამიანების ევაკუაცია განხორციელდა
სომხეთის ქალაქ კაპანში მომხდარი მიწისძვრის შედეგად ქალაქის ყველა შენობიდან, ბავშვების ევაკუაცია განხორციელდა, თუმცა მიწისქვეშა ბიძგებს ნგრეევა არ გამოუწვევია.
ამის შესახებ სომხურ მედიას კაპანის მერის პრეს-მდივანმა არმინე ავაგიანმა განუცხადა.
„თავდაპირველად ბიძგები ძლიერი იყო და მას უცნაური ხმაური მოჰყვა. ადამიანებში ასოციაცია გაჩნდა, რომ სადღაც რაღაცა აფეთქდა, შემდეგ ავთერშოკი მოხდა და გასაგები გახდა, რომ მიწისძვრა იყო“,-აღნიშნა ავაგიანმა.
მისი თქმით, მიწისძვრის შედეგად, ქალაქში სატელეფონო კავშირი გაწყდა, ასევე ინტერნეტ წვდომა შეიზღუდა.
„ამის გამო პანიკა შეიქმნა, თუმცა მერიის თანამშორმლებმა მოსახლეობა მოიარეს და უთხრეს, რომ ნგრევა არ ყოფილა“,-აღნიშნა პრეს-მდივანმა.
5 ბალის სიმძლავრის მიწისძვრა ადგილობრივი დროით დილის 10:17 საათზე დაფიქსირდა.
5-ბალიანი მიწისძვრის ბიძგები კაპანში, გორისში და კაჯარანში იგრძნობოდა.
მონიკა დავლიანიძე