უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
არქივი
კომენტარი
სოსო ქუთათელაძის საქმესთან დაკავშირებით მიმდინარეობს აქტიური საგამოძიებო მოქმედებები - გიორგი გახარია
გენერალ სოსო ქუთათელაძის საქმესთან დაკავშირებით მიმდინარეობს აქტიური საგამოძიებო მოქმედებები, – განუცხადა ჟურნალისტებს შინაგან საქმეთა მინისტრმა გიორგი გახარიამ.
მისი თქმით, გამოძიების ფარგლებში დადგინდა, რომ გიორგი ჭანტურია ერთ-ერთი უკანასკნელი იყო, რომელსაც სოსო ქუთათელაძესთან კავშირი ჰქონდა.
„მინდა გითხრათ, რომ გამოძიება ასრულებს თავის ფუნქციას. გამოძიების ფარგლებში დადგინდა, რომ ბატონი ჭანტურია იყო ერთ-ერთი უკანასკნელი, რომელსაც ბატონ ქუთათელაძესთან კავშირი ჰქონდა და ამიტომ გამოძიება გააგრძელებს თავისი ფუნქციის შერულებას ყველა სახით. ყველა იმ ადამიანის მიმართ, რომელზეც ეჭვი არსებობს, შესაბამისი ქმედებები გატარდება“, – განაცხადა გახარიამ.
კითხვაზე, აქვს თუ არა მის მოადგილეს შემხებლობა საქმესთან, შს მინისტრმა აღნიშნა, რომ მისი პირველი მოადგილე არის სპეციალური საგამოძიებო ჯგუფის ხელმძღვანელი და პირდაპირ ასრულებდა თავის ფუნქციას.
„ჩემი პირველი მოადგილე გახლავთ სპეციალური საგამოძიებო ჯგუფის ხელმძღვანელი, ის პირდაპირ ასრულებდა თავის ფუნქციას და გააგრძელებს ამ ფუნქციების შესრულებას. არანაირ გადამეტებას იქ ადგილი არ ჰქონია. თუ თავდასხმის ტაქტიკა არის საუკეთესო თავდაცვა და ეს იქნება არჩეული, ამას ჩვენზე არანაირი ზემოქმედება არ ექნება. ჩვენი ამოცანა არის ეს საქმე იყოს გახსნილი და ამას მივიყვანთ ბოლომდე“, – განაცხადა გახარიამ.
ცნობისათვის, სოსო ქუთათელაძის მკვლელობის საქმის გამოძიების ფარგლებში დაკავებული და შემდეგ გათავისუფლებული გიორგი ჭანტურიას ადვოკატის, ალექსანდრე კობაიძის განცხადებით, გიორგი ჭანტურიას აიძულებდნენ, ეღიარებინა დანაშაული და ეთქვა, რომ მკვლელობა მან ჩაიდინა. მისი თქმით, დანაშაულის აღიარების მოთხოვნით, ჭანტურიაზე ფსიქოლოგიურ ზეწოლას შს მინისტრის პირველი მოადგილე ახდენდა.
გიორგი ჭანტურია ბრალის წარდგენის გარეშე 18 იანვარს გათავისუფლდა. რუსთავში, ე.წ. სტამბოლის ბაზრობის ტერიტორიაზე ყოფილი დეპუტატი, გენერალი სოსო ქუთათელაძე რუსთავში მოკლული 15 იანვარს იპოვეს.