უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
არქივი
პოლიტიკა
სოზარ სუბარი გერმანიაში თავშესაფრის მაძიებელთა საკითხს გამოეხმაურა
დევნილთა მინისტრი სოზარ სუბარი გერმანიის შინაგან საქმეთა მინისტრის განცხადებას გამოეხმაურა და განაცხადა, რომ საქართველოს მოქალაქეები შეგნგენის ზინაში გადაადგილებას მეტი პასუხისმგებლობით უნდა მოეკიდნონ.
"თითოეული მოქალაქე მეტი პასუხისმგებლობით უნდა მოეკიდოს თავის ქმედებას. ჩვენ ვმუშაობთ პარტნიორებთან ერთად და მიღებული იქნება ყველა ზომა, საუბარია ადმინისტრაციულ სამართალდარღვევათა კოდექსში ცვლილებებზე, საზღვრებზე კონტროლის გამკაცრებაზე. თუმცა მთავარი მაინც არის ის, რომ მოქალაქეებმა, ყველამ შევიგნოთ, რომ ჩვენი ქმედებით ვვნებთ მთელ ქვეყანას. ამ ფორმით წასული ადამიანი იქ ვერ დარჩება და საბოლოოდ, ვერანაირ თავშესაფარს ვერ მოიპოვებს.
სუბარი მოქალაქეებ მოუწოდებს გაიაზრონ, რომ დეპორტაციის შემთხვევაში მათ სამუდამოდ აეკრძალებათ საზღვრებიდან გასვლა.მისივე თქმით, შინაგან საქმეთა მინისტრის მოადგილე ნინო ჯავახაძე გერმანიაში სწორედ ერთობლივი ზომების დასაგეგმად იმყოფება.
შეგახსენებთ, რომ გერმანული გამოცემა Die Welt-ის ინფორმაციით, გერმანიაში გამოვლენილი ქართველი დამნაშავეების 60% თავშესაფრის მაძიებელია. გამოცემაში წერენ, რომ საქართველოდან გერმანიაში თავშესაფრის მაძიებელთა ზრდის გამო გერმანიის შინაგან საქმეთა სამინისტრო ევროკავშირის დონეზე არკვეული ზომების ამოქმედებას არ გამორიცხავს. შესაძლო ზომებს შორის სასაზღვრო პოლიციის თანამშრომლობის გაძლიერება და მოქალაქეების დაბრუნების გააქტიურება განიხილება.
გერმანელმა დეპუტატმა სტეფან მაიერმა განაცხადა, რომ ბოლო 4 თვის განმავლობაში, თავშესაფრის მაძიებელთა რიცხვის გასამმაგების გათვალისწინებით, მოქმედების დრო დადგა. ის საქართველოს ზოგიერთი მოქალაქის მხრიდან უვიზო რეჟიმის პირობების დარღვევას თავხედურს და მიუღებელს უწოდებს. მისივე განმარტებით, ისინი გერმანიაში თავშესაფრის მიღებას ცდილობენ, რომ ქვეყნის ჯანდაცვის სისტემით ისარგებლონ, თუმცა მათ განაცხადს წარმატების შანსი არ აქვს.
როგორც გერმანული გამოცემა გერმანიის შინაგან საქმეთა სამინისტროზე დაყრდნობით წერს, სექტემბერში გერმანიაში თავშესაფარი 238 ადამიანმა მოითხოვა, ოქტომბერში -355, ნოემბერში – 444, დეკემბერში – 522, ხოლო იანვარში – 745-მა.
ევროკავშირთან უვიზო რეჟიმი 2017 წლის 28 მარტიდან ამოქმედდა.