პოლიტიკა

სსიპ-ებიდან 200-მდე ადამიანის გათავისუფლება იგეგმება

იუსტიციის მინისტრის, თეა წულუკიანის განცხადებით, რეორგანიზაციის შედეგად უწყების სსიპ-ებიდან 200-მდე ადამიანის გათავისუფლება იგეგმება.

როგორც წულუკიანმა ჟურნალისტებს განუცხადა, სამინისტრო ადმინისტრაციული ხარჯების 15%-მდე შემცირებას აპირებს.

მისივე თქმით, გეგმაშია გამოცხადებული ვაკანსიების გაუქმებაც.

„სადაც 10%-მდე შემცირების საშუალება იყო, იუსტიციის სამინისტროში, ეს უკვე გაკეთებულია. მაგალითად, 13-14%-ით სადაც იყო ამის საშუალება, იუსტიციის სამინისტროს სსიპ-ებში ეს უკვე არის მომხდარი. იუსტიციის სამინისტროში ხელფასების შემცირება არ ხდება.

იუსტიციის სამინისტროს სისტემაში დაახლოებით 5500 საჯარო მოხელეა და არ არის გამორიცხული, რომ ამათგან 200-მდე ადამიანი, შეიძლება ნაკლებიც, სხვადასხვა სსიპ-ებიდან მოყვნენ რეორგანიზაციაში,“-განაცხადა თეა წულუკიანმა.

ნინო ექვთიმიშვილი