უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
არქივი
კომენტარი
სტრასბურგის სასამართლო უზენაესი სასამართლოს გადაწყვეტილებას ვერ შეცვლის - ნიკოლოზ მჟავანაძე
„უფლებადამცველთა გაერთიანების" თავმჯდომარის, ნიკოლოზ მჟავანაძის განცხადებით, რუსთავი 2-ის საქმესთან დაკავშირებით სასამართლომ ობიექტური გადაწყვეტილება მიიღო და ამ განაჩენის სისწორეში ეჭვის შეტანაც კი არ შეიძლება.
„დღეს მიმდინარეობს სასამართლოს დევნა „რუსთავი 2"-ის, „ნაციონალური მოძრაობისა" და სოროსის მიერ გამოკვებილი არასამთავრობო ორგანიზაციების მხრიდან. ერთ-ერთ მოსამართლეზე, ზურაბ ძლიერიშვილზე, რომელიც თავისი საქმის პროფესიონალია, გვარამიამ დაწერა, ლექციებზე როგორ შეხვალ, მაინტერესებსო, ანუ აპირებენ მის დევნას. ამ ზეწოლის მიუხედავად, სასამართლოს სამივე ინსტანციამ მიიღო გადაწყვეტილება და ტელევიზია დაუბრუნა ქიბარ ხალვაშს. არ შემიძლია, ეჭვი შევიტანო ამ გადაწყვეტილების ობიექტურობაში. ეს არის ობიექტური გადაწყვეტილება და ასეთი პოზიციები და სასამართლოზე დარტყმები სირცხვილია", - განაცხადა ნიკოლოზ მჟავანაძემ დღევანდელ ბრიფინგზე.
მისი თქმით, სტრასბურგის სასამართლო უზენაესი სასამართლოს გადაწყვეტილებას ვერ შეცვლის.
„რაც შეეხება სტრასბურგის გადაწყვეტილებას, უპრეცედენტოა, იმიტომ, რომ წლებია, სააკაშვილის მიერ დაზარალებული ადამიანები სტრასბურგის სასამართლოს გადაწყვეტილებას ელოდებიან და დღემდე არ დაუწყიათ ამ საქმეების განხილვა და უცებ, ვხედავთ, რომ „რუსთავი 2"-ის საქმეზე აღსრულება შეაჩერეს. ეს არ ნიშნავს იმას, რომ სტრასბურგი ეჭვქვეშ აყენებს უზენაესი სასამართლოს გადაწყვეტილებას. მათ უბრალოდ, სურთ, გაერკვნენ საქმის ვითარებაში. ჩემთვის გაუგებარია, როდესაც „ნაციონალები" და არასამთავრობო ორგანიზაციები აღსრულების პროცესის შეჩერების გახანგრძლივებას ითხოვენ, რადგან სტრასბურგის სასამართლო უზენაესი სასამართლოს გადაწყვეტილებას ვერ შეცვლის. ერთადერთი, რაც მას შეუძლია გააკეთოს, კომპენსაცია დააკისროს ხელისუფლებას. სამართლებრივად არ უნდა მოხდეს აღსრულების შეჩერების გაგრძელება, მაგრამ ისეთი გადაწყვეტილება მიიღო სტრასბურგის სასამართლომ, ეგეც აღარ გამიკვირდება. არ მინდა, მოვლენებს წინ გავასწრო, მაგრამ სტრასბურგის სასამართლოს გადაწყვეტილებას პოლიტიკური ელფერი დაჰკრავს", - განაცხადა ნიკოლოზ მჟავანაძემ.
ნინო ექვთიმიშვილი