კომენტარი

სტრასბურგის სასამართლოს გადაწყვეტილებების შესრულება არის სავალდებულო ყველა ქვეყნისთვის - ომბუდსმენი

სახალხო დამცველის, უჩა ნანუაშვილის განცხადებით, იმ შემთხვევაში, თუ საქართველოს ხელისუფლება რუსთავი 2-ის საქმესთან დაკავშირებით ევროპის სასამართლოს მიერ გამოტანილ დადგენილებას არ გაითვალისწინებს, ეს ქვეყნის იმიჯისთვის სერიოზული ზიანის მომტანი იქნება.

„სტრასბურგის სასამართლოს გადაწყვეტილებების შესრულება არის სავალდებულო ყველა ქვეყნისთვის, რომელიც არის გაწევრიანებული ევროსაბჭოში.

მე ცოტა შორს ვარ იმ აზრისგან, რომ ხელისუფლება არ გაითვალისწინებს იმიტომ, რომ მე მახსენდება მხოლოდ რამდენიმე შემთხვევა, როდესაც არ მოხდა გათვალისწინება და იმ ქვეყნების იმიჯი საკმაოდ დაზარალდა ასეთ გადაწყვეტილების შემდეგ. მე არ მგონია, რომ საქართველო ასეთ გზას ირჩევს. პირიქით, მე ვფიქრობ, რომ საქართველოს ხელისუფლება მთლიანობაში შეძლებს, მიიღოს და აღიაროს ის გადაწყვეტილება, რომელიც იქნება გამოტანილი,“ - განაცხადა უჩა ნანუაშვილმა.

ნინო ექვთიმიშვილი