უკან
საზოგადოება
5 ივნისი, 2018 11:11
თბილისის მეტროპოლიტენი დღესაც გაჩერებულია
თბილისის მეტროპოლიტენის მუშაობა მეორე დღეა გაჩერებულია. მემანქანეები გლდანში, დეპოს მიმდებარე ტერიტორიაზე რჩებიან და პროტესტს აგრძელებენ.
ქალაქში მოძრავი მუნიციპალური ავტობუსები კი მგზავრებს კვლავ უფასოდ ემსახურებიან.
თბილისის მერსა და მემანქანეებს შორის წუხელ შეხვედრა შედგა, რომელიც კონკრეტული გადაწყვეტილების გარეშე დასრულდა.
მემანქანეეების განცხადებით, მერის შემოთავაზება, რომ ხელფასების ზრდასთან დაკავშირებით თბილისის მერია მსჯელობას 2019 წლიდან დაიწყებს, მათთვის მიუღებელია.
ამასთან, შეხვედრის დასრულების შემდეგ თბილისის მერმა, კახა კალაძემ გამოთქვა იმედი, რომ უახლოეს ხანებში მოხდება პოზიციების შეჯერება და მეტრო გაიხსნება.
შეგახსენებთ, რომ მენანქანეების მთავარი მოთხოვნა ხელფასების 45 პროცენტით მატებაა.