პოლიტიკა

თეა წულუკიანის გადადგომის მოთხოვნით იუსტიციის სამინისტროსთან აქცია იმართება

იუსტიციის სამინისტროს წინ „ნაციონალური მოძრაობისა“ და მოძრაობის #ნუმომკლავ წარმომადგენლენი უწყების ხელმძღვანელის, თეა წულუკიანის გადადგომისა და პასუხისგებაში მიცემის მოთხოვნით აქციას მართავენ.

შეკრებილთა თქმით, წულუკიანი მუდმივად მფარველობდა დამნაშავეთა იმ ჯგუფს, რომლებიც ხორავას ქუჩაზე მომხდარი დანაშაულის მტკიცებულებების გაყალბებასა და განადგურებას ახდენდნენ.

აქციის მონაწილეებმა იუსტიციის მინისტრი მთავარ პროკურორზე, მის მოადგილეებსა და მოსამართლეებზე ზეწოლაში დაადანაშაულეს. მათი თქმით, იგი მფარველობდა მირზა სუბელიანს, რათა სუბელიანი სისხლის სამართლის პასუხისგებაში არ მიეცათ და დანაშაულებრივი ჯგუფის სხვა წევრების არ ემხილებინათ.

გუშინ წულუკიანის გადადგომა არასამთავრობო სექტორმაც მოითხოვა.