უკან

უახლესი ამბები

დღის კალენდარი

ანონსები

არქივი

პოლიტიკა

13 ოქტომბერი, 2017 13:00
font-size

თეა წულუკიანის ზედაპირული განცხადება ნარკოპოლიტიკის დეკრიმინალიზაციაზე არის დამაზიანებელი და უპასუხისმგებლო ნაბიჯი - „თეთრი ხმაურის მოძრაობა“

„თეთრი ხმაურის მოძრაობა“ ნარკოპოლიტიკის დეკრიმინალიზაციასთან დაკავშირებით იუსტიციის მინისტრის, თეა წულუკიანის განცხადებას გამოეხმაურება. როგორც წულუკიანმა თქვა, „არამც და არამც არ უნდა მოხდეს ნარკოტიკების დეკრიმინალიზაცია“.

„თეთრი ხმაურის მოძრაობისთვის“ გაუგებარია, რამ განაპირობა მინისტრის პოზიციის ცვლილება, რადგან სწორედ ამ უწყების ინიციატივით 2013 წელს პარლამენტში შევიდა კანონპროექტი, რომლის მიხედვით ერთმანეთისგან გამიჯნული იყო ნარკოტიკების ფლობისთვის, პირადი მოხმარებისა და გასაღებისთვის დასაწესებელი სანქციები.

„გაუგებარია, რამ განაპირობა მინისტრის პოზიციის ასეთი ცვლილება როდესაც სწორედ ის გახლდათ 2013 წელს ნარკოპოლიტიკის ცვლილების ერთ-ერთი პირველი ინიციატორი და მოხმარებისა და მცირე ოდენობით ფლობის დეკრიმინალიზაციის ქომაგი. დღეს ინიცირებული კანონპროექტიც სწორედ მინისტრის მიერ წინა წლებში შემუშავებული კანონპროექტის პრინციპებზეა დაშენებული“, - ნათქვამია მოძრაობის განცხადებაში.

„თეთრი ხმაურის“ ინფორმაციით, ნარკოპოლიტიკის ეროვნული პლატფორმისა და ჯანდაცვის კომიტეტის ერთობლივი კანონპროექტი, რომლის განხილვა 16 ოქტომბერს უწყებათაშორისი საკოორდინაციო საბჭოში გაიმართება, მკაცრად სჯის ნარკოტიკების შემოტანა-გაყიდვას.

მოძრაობამ მინისტრის ნათქვამი „დამაზიანებელი და უპასუხისმგებლო“ უწოდა და მიმართა წულუკიანს, განმარტოს თავისი პოზიცია ნარკოპოლიტიკის დეკრიმინალიზაციის შესახებ.

„რაც შეეხება თეა წულუკიანის დღევანდელ განცხადებას შემოტანასა და გაყიდვასთან დაკავშირებით, ნარკოპოლიტიკის ეროვნული პლატფორმისა და ჯანდაცვის კომიტეტის შეთავაზებული კანონპროექტით აღნიშნული ქმედებები ისედაც მკაცრად დასჯადი რჩება, რაც მინისტრისთვის ცნობილი უნდა იყოს.

მიგვაჩნია, რომ დღევანდელ სენსიტიურ პერიოდში, როდესაც საზოგადოების აბსოლუტური უმრავლესობის ყურადღება მიპყრობილია აღნიშნული საპარლამენტო პროცესისკენ, მინისტრის ასეთი ზედაპირული განცხადება არის დამაზიანებელი და უპასუხისმგებლო ნაბიჯი.

ვითარებას კიდევ უფრო ამძიმებს ის გარემოება, რომ ეს ყოველივე ხდება უწყებათაშორისი საკოორდინაციო საბჭოს შეხვედრამდე 4 დღით ადრე (შეხვედრა გაიმართება 16 ოქტომბერს).

მოვუწოდებთ ქალბატონ თეა წულუკიანს, ნათლად განუმარტოს საზოგადოებას, თუ რას გულისხმობს „ლიბერალიზაციის“ ბუნდოვან ტერმინში, რადგან ინიცირებული კანონპროექტი არა შემოტანისა და გავრცელების, არამედ მოხმარებისა და მცირე ოდენობით ფლობის დეკრიმინალიზაციას ეხება“, - წერია „თეთრი ხმაურის მოძრაობის“ განცხადებაში.

შეგახსენებთ, თეა წულუკიანის განცხადებით, ის ემხრობა ნარკოპოლიტიკის ლიბერალიზაციას, მაგრამ არა სრულ დეკრიმინალიზაციას. მან აღნიშნა, რომ შესაბამისი ნაბიჯები უკვე გადაიდგა, მაგალითად, ექიმი აღარაა ვალდებული, პოლიცია შეატყობინოს ზედოზირების შესახებ.

ანა მებურიშვილი

ვაქცინაზე საქართველო ევროკავშირის მხრიდან სოლიდარულ გადაწყვეტილებას ელის - სალომე ზურაბიშვილი

21 იანვარი, 2021 , 17:25

საქართველოს პრეზიდენტმა, სალომე ზურაბიშვილმა ბრიუსელში, ევროპული საბჭოს პრეზიდენტთან, შარლ მიშელთან შეხვედრისას კორონავირუსის საწინააღმდეგო ვაქცინასთან დაკავშირებით ისაუბრა. როგორც მან აღნიშნა, საქართველო ევროკავშირის მხ

საქართველო არის სამართლებრივად გამართლებული, აღიარებული, როგორც ომის მსხვერპლი, ეს ქვეყნისთვის დიდი მიღწევაა - სალომე ზურაბიშვილი

21 იანვარი, 2021 , 16:25

საქართველოს პრეზიდენტი სალომე ზურაბიშვილი 2008 წლის ომის საქმეზე სტრასბურგის სასამართლოს გადაწყვეტილებას ისტორიულს უწოდებს. „დღეს არის ძალიან სიმბოლური დღე, რომელსაც მე ვხვდები აქ, ბრიუსელიდან, სადაც ძალიან მაღალი

რამდენიმე მთავარი საკითხია, რისთვისაც მზად ვართ, არათუ ალეკო ელისაშვილს, არამედ ნებისმიერ ოპონენტს ვესაუბროთ - გია ვოლსკი

21 იანვარი, 2021 , 15:35

რამდენიმე მთავარი საკითხია, რისთვისაც მზად ვართ, არათუ ალეკო ელისაშვილს, არამედ ნებისმიერ ოპონენტს ვესაუბროთ. არჩევნები ისეთი დარღვევების ფონზე არ ჩატარებულა, რომელსაც შეეძლო გავლენა მოეხდინა მის შედეგებზე, ჩვენი პარტნიო

ოპოზიციასთან მოლაპარაკებებიც და კინკლაობაც დავასრულეთ, მე და ლევან იოსელიანი მზად ვართ საჯაროდ შეგხვდეთ „ქართულ ოცნებას` და დავილაპარაკოთ - ალეკო ელისაშვილი

21 იანვარი, 2021 , 14:55

ჩემი და პარტიის „მოქალაქეების“ სახელით მინდა განვაცხადო, რომ დავასრულეთ ოპოზიციასთან მოლაპარაკებებიც და კინკლაობაც. საკითხი, თითქოს ვინმემ საიდანღაც გაგვრიცხა, უბრალოდ ღიმილისმომგვრელია, – ამის შესახებ

პარლამენტის ორ კომიტეტში დაგეგმილი მინისტრებთან შეხვედრა დახურულია

21 იანვარი, 2021 , 14:20

პარლამენტის ორ კომიტეტში დაგეგმილი მინისტრებთან შეხვედრა დახურულია. პარლამენტის აგრარულ საკითხთა კომიტეტში მიწვეულია გარემოს დაცვისა და სოფლის მეურნეობის მინისტრი ლევან დავითაშვილი, სამინისტროს სხვა წარმომადგენლებთან ერთ

დღეს, საქართველოს უახლოეს ისტორიაში უმნიშვნელოვანესი დღეა, საერთაშორისო სასამართლოს მიერ პირველად მიეცემა შეფასება 2008 წლის რუსეთ-საქართველოს ომს - გიორგი გახარია

21 იანვარი, 2021 , 12:20

რამდენიმე საათში, ადამიანის უფლებათა ევროპული სასამართლო მიიღებს საბოლოო გადაწყვეტილებას საქმეზე „საქართველო რუსეთის წინააღმდეგ“, - ამის შესახებ საქართველოს პრემიერ-მინისტრმა გიორგი გახარიამ, მთავრობის სხდომა