პოლიტიკა

თემა ძალიან ფეთქებად საშიში გახდა - დავით უსუფაშვილი

პარლამენტის ყოფილი თავმჯდომარე დავით უსუფაშვილი უმრავლესობის წევრების მხრიდან ევროსასამართლოს მიერ „რუსთავი 2“-ის საქმეზე მიღებულ გადაწყვეტილებაზე გაკეთებულ შეფასებებს ეხმაურება. მისი თქმით, ვითარება „ფეთქებად საშიში“ ხდება, რის გამოც სიფრთხილისკენ მოუწოდებს „რუსთავი 2“-ის ჟურნალისტებს.

უსუფაშვილის განცხადებით, თუ ხელისუფლება სტრასბურგის სასამართლოს მიერ ამოქმედებულ შეჩერების მექანიზმს გვერდს აუვლის, ეს სიტუაციას კიდევ უფრო გაართულებს.

„თემა ძალიან ფეთქებად საშიში გახდა. თუ ვინმე ხელისუფლებაში იფიქრებს სტრასბურგის გადაწყვეტილების შემოვლითი გზით იგნორირებას, ეს იქნება კიდევ უფრო დიდი პრობლემების დასაწყისი და ზოგადად, მე თქვენი „სახანძრო უსაფრთხოების სამსახურს“ ვურჩევდი, იყოს განსაკუთრებით ყურადღებით, რადგან გვახსოვს, ქიბარ ხალვაშთან დაკავშირებულ ქონებრივ დავებთან, მის ქონებასა თუ სხვის მიერ მისთვის წართმეულ ქონებას თვითაალების მიდრეკილება აქვს ხოლმე. ამიტომ, მე მინდა, დაზღვეული ვიყოთ რაიმე სერიოზული გართულებებისგან," - განაცხადა დავით უსუფაშვილმა.

ანა მებურიშვილი