უკან
საზოგადოება
2 თებერვალი, 2018 11:10
თემირლან მაჩალიკაშვილის ოჯახის წევრები ირაკლი შოთაძეს დღეს თბილისში შეხვდებიან
თემირლან მაჩალიკაშვილის ოჯახმა მთავარ პროკურორთან თბილისში შეხვედრაზე თანხმობა განაცხადა.
როგორც გარდაცვლილის მამამ, მალხაზ მაჩალიკაშვილმა გუშინ საღამოს ჟურნალისტებს განუცხადა, გადაწყვეტილება ოჯახმა ხეობის წარმომადგენლებთან კონსულტაციების შემდეგ მიიღო.
მისი თქმით, 13:00 საათისთვის თბილისში მთავარ პროკურატურაში ადვოკატებთან, მეუღლესთან, შვილთან და ძმასთან ერთად მივა.
"ჯერ მოვისმენთ, რა ეტაპზეა გამოძიება და რატომ შეეშალათ სპეცოპერაციის ჩატარების ადგილი. პროკურატურასთან პირველ რიგში ჩემი მოთხოვნა იქნება ობიექტური გამოძიება და ის, რომ თემირლანის უდანაშაულობა აღიარონ. შემდეგ კი მიანიჭონ დაზარალებულის სტატუსი. ასევე, მოვითხოვ იმ ხალხის გასამართლებას, ვინც ეს ჩაიდინა. ახლა სხვა არაფრის თქმა არ შემიძლია", - განაცხადა მალხაზ მაჩალიკაშვილმა.