უკან

უახლესი ამბები

დღის კალენდარი

ანონსები

არქივი

საზოგადოება

22 იანვარი, 2020 16:50
font-size

ტექნიკურ უნივერსიტეტში რევაზ მიშველაძის იუბილე აღნიშნეს

საქართველოს ტექნიკურ უნივერსიტეტში ქართველი მწერლის, ნოველისტისა და საზოგადო მოღვაწის რევაზ მიშველაძის 80 წლის იუბილესადმი მიძღვნილი ღონისძიება გაიმართა - ამის შესახებ ინფორმაციას უნივერსიტეტის საზოგადოებასთან ურთიერთობის დეპარტამენტი ავრცელებს.

დეპარტამენტის ინფორმაციით, ქართველი მწერლის საიუბილეო საღამოზე, რომელიც ტექნიკური უნივერსიტეტის სამართლისა და საერთაშორისო ურთიერთობების ფაკულტეტის ორგანიზებით გაიმართა, მონაწილეობა მიიღეს საზოგადო მოღვაწეებმა, მწერლებმა, მხატვრებმა, საქართველოს ტექნიკური უნივერსიტეტის პროფესორ-მასწავლებლებმა და სტუდენტებმა.

ღონისძიებაზე დამსწრე საზოგადოებას სტუ-ის სამართლისა და საერთაშორისო ურთიერთობების ფაკულტეტის დეკანმა მიმართა:

„ჩვენი ფაკულტეტისთვის დიდი პატივია, დიდ მწერალს, საზოგადო მოღვაწეს, მეცნიერს რევაზ მიშველაძეს, სწორედ აქ ტექნიკურ უნივერსიტეტის კედლებში მივულოცოთ 80 წლის იუბილე. ჩემი ბავშვობის ოცნება იყო, გამეცნო ბატონი რეზო, ეს ოცნება ამიხდა და იმდენად გავთამამდი, რომ მომეცა საშუალება ვყოფილიყავი იმ ფაკულტეტის დეკანი, სადაც ბატონი რეზო მოღვაწეობს. ჩვენთვის დიდი პატივია, რომ ბატონი რეზო არის ჩვენთან, ჩვენს უნივერსიტეტში, ჩვენს ფაკულტეტზე“, - აღნიშნა ირაკლი გაბისონიამ.

საიუბილეო საღამოზე მიწვეულ სტუმრებს საქართველოს ტექნიკური უნივერსიტეტის ადმინისტრაციის უფროსმა, პროფესორმა კარლო კოპალიანმა მიმართა.
როგორც კოპალიანმა აღნიშნა, რევაზ მიშველაძე იმ თაობის წარმომადგენელია, რომელმაც ჩვენი ქვეყნის უახლეს ისტორიაში წარუშლელი კვალი დატოვა საკუთარი შემოქმედებით, განსწავლულობითა და საქმიანობით.

„ჩვენ გავიარეთ რთული პერიოდი, რომელიც ყველას შეგვეხო, განსაკუთრებით მწერლებს, მეცნიერებს, ხელოვნების წარმომადგენლებს, მაგრამ საზოგადოება და პირველ რიგში, ჩვენი იუბილარი არ შეუშინდა სიძნელეებს, დროებას და ყველა სირთულე დაძლია. ბატონი რეზო დღემდე წარმატებით აგრძელებს თავის საქმიანობას ჩვენს მშობლიურ ტექნიკურ უნივერსიტეტში და ეს ძალიან მნიშვნელოვანია. ქართველებს „რეზო მიშველაძეები“ ბევრი არ გვყავს და ვინც გვყავს, ისიც ჩვენს უნივერსიტეტში მოღვაწეობს. მადლობა მას ამისთვის. რეზო მიშველაძის ოჯახმა საქართველოს წინაშე ღირსეული ვალი მოიხადა, მან ყველაზე ძვირფასი - შვილი შესწირა საქართველოს ერთიანობისათვის ბრძოლას. ამ ტკივილში მუდამ მის გვედში ვიდგებით, მაგრამ მუდამ ვეტყვით, რომ ეს მართლაც საამაყოა, როდესაც შვილს ქვეყნისთვის გაზრდი. ჩვენი ისტორია ამის მრავალ მაგალითს გვასწავლის და ეს მაგალითი ჩვენ თვალწინ მოხდა, მადლობა მას ამისათვის“, - განაცხადა კარლო კოპალიანმა.

აღსანიშნავია, რომ სამართლისა და საერთაშორისო ურთიერთობების ფაკულტეტის ორგანიზებით, პროფესორ რევაზ მიშველაძის ცხოვრებისა და მოღვაწეობის შესახებ რეჟისორმა ბესო გაფრინდაშვილმა და ოპერატორმა გიორგი ბაძაღუამ დოკუმენტური ფილმი გადაიღეს, სახელწოდევით - „რეზო მიშველაძე 80 წლისაა“.
ფილმის რეჟისორის ბესო გაფრინდაშვილის თქმით, ის თავს ბედნიერად თვლის, რომ ამ ფილმის რეჟისორობა მოუწია.

„ჩემთვის დიდი პატივი იყო, როდესაც ტექნიკური უნივერსიტეტის საინჟინრო ეკონომიკის, მედიატექნოლოგიებისა და სოციალურ მეცნიერებათა ფაკულტეტის დეკანმა ვანო ჯაგოდნიშვილმა მითხრა, რომ ფილმი უნდა გადაგვეღო. სწორედ მაშინ გავიცანი ბატონი რევაზ მიშველაძე და ბატონი ირაკლი გაბისონია. ბავშვობიდან ვკითხულობდი ბატონი რეზოს ნოველებს. ჩემზე დიდი შთაბეჭდილება მოახდინა მისმა ნოველამ „ჟირაფს ხომ არ იყიდით“. აი, აქედან მახსოვს რევაზ მიშველაძე და ბედნიერი ვარ, რომ ამ ფილმის რეჟისორი ვარ“, - აღნიშნა ბესო გაფრინდაშვილმა.

ღონისძიებაზე მწერალთა კავშირის თავმჯდომარემ მაყვალა გონაშვილმა რევაზ მიშველაძეს, კავშირის სახელით ჯილდო - „მშვიდობის ვარსკვლავი“ გადასცა. აღსანიშნავია, რომ მწერალთა კავშირი „მშვიდობის ვარსკვლავს“ წელიწადში ერთხელ გადასცემს საზოგადო მოღვაწეს - შარშან ვარსკვლავი ჯემალ ჭკუასელს გადაეცა.

ღონისძიებაზე დამსწრე საზოგადოებას სიტყვით მიმართა ტექნიკური უნივერსიტეტის სენატის თავმჯდომარემ, პროფესორმა ჯემალ გახოკიძემ და იუბილარის შესახებ ისაუბრა:

„მიხარია, რომ დარბაზში რამდენიმე თაობის წარმომადგენელს ვხედავ. ჩვენ მაშინ მივაღწევთ წარმატებას და გამარჯვებას იმ საქმეებში, რომელსაც ვაკეთებთ ან მოგვიწევს გაკეთება, როცა ყველა თაობა გაითავისებს საერთო პრობლემების გადალახვის გზებს. დამღუპველია თაობათა ერთმანეთისგან გათიშვა, როცა ყველას ჰგონია, რომ მისი თაობაა ის მთავარი, რომელიც ყველაზე კარგ საქმეს. თაობები თუ ერთად იდგებიან, აი, მაშინ გაკეთდება ის კარგი საქმე, რასაც საქართველოს ერთიანობა ჰქვია, რასაც საქართველოს წინსვლა და მომავალი ჰქვია. აი, სწორედ ამას უძღვნის ჩვენი რეზო მიშველაძე - კაცი, რომელსაც სიმართლე თან დაჰყვება - მთელ თავის შემოქმედებას. სიმართლის თქმა ყოველთვის არაა ადვილი. ბატონი რეზო, ამ მხრივ, ერთ-ერთი გამორჩეულია. ამ სიმართლისათვის მას ბევრი სირთულე შეხვედრია, მაგრამ არასოდეს შეშინებული არ გვინახავს", - აღნიშნა ჯემალ გახოკიძემ სიტყვით გამოსვლისას.

ქართველი მწერლის, ნოველისტისა და საზოგადო მოღვაწის საიუბილეო საღამო დოკუმენტური ფილმის - „რეზო მიშველაძე 80 წლისაა“ ჩვენებით დასრულდა.

1 აშშ დოლარის ოფიციალური ღირებულება 3.0465 ლარი გახდა

3 ივლისი, 2020 , 17:40

ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.0465 ლარი შეადგინა. კურსი, რომელიც დღეს მოქმედებდა, 3.0463 ლარი იყო. შესაბამისად, დოლარის ცვლილებამ ეროვნულ

მოგზაურობისთვის ორივე მიმართულებით გახსნა არ ნიშნავს, თითქოს ღილაკს დააწვები და ყველაფერი შესრულდება -კარლ ჰარცელი

3 ივლისი, 2020 , 17:40

საქართველო 15-დან ერთ-ერთ ქვეყნად დასახელდა, ეს არის უსაფრთხოების სია, ეს არის აღიარება იმ წარმატებისა, რასაც მიაღწია ქვეყანამ, რომელიც ჯანდაცვის კრიზისის მოგვარებაზე არის ორიენტირებული, – ამის შესახებ საქართველოში

ქალთა მიმართ ძალადობის ფაქტებზე უმკაცრესი რეაგირებაა საჭირო - პრეზიდენტის ადმინისტრაცია

3 ივლისი, 2020 , 17:40

საქართველოს პრეზიდენტის ადმინისტრაციის უფროსის მოვალეობის შემსრულებელმა და პრეზიდენტის მრჩეველმა ჯანდაცვის, სოციალურ, ინოვაციებისა და ბიზნესსექტორთან ურთიერთობის საკითხებში დღეს დამწვრობის ცენტრის რეანიმაციულ განყოფილება

შვეიცარია საქართველოს მოქალაქეებისთვის საზღვარს 20 ივლისიდან გახსნის

3 ივლისი, 2020 , 16:55

შვეიცარია საქართველოს მოქალაქეებისთვის საზღვარს 20 ივლისიდან გახსნის. ინფორმაციას ამის შესახებ საქართველოში შვეიცარიის საელჩო ავრცელებს. საელჩოს ცნობით, ინფორმაცია ახალი წესებისა და ზომების შესახებ, რომელიც 20 ივლისიდან

ამ ფუქსავატობას, რომელსაც თქვენ ეწევით ბატონო გახარია, ხომ არ უნდა შეეწიროს ქართველი ადამიანი - გიორგი ვაშაძე

3 ივლისი, 2020 , 16:55

„ჩვენ ახლა ფაქტობრივად გაკოტრებულები ვართ. ერთადერთი იმედი, რაც ხალხს ჰქონდა, იყო 1-ელ ივლისს საზღვრების გახსნა და ტურისტების შემოსვლა და ეს იმედიც გახარიამ და მთავრობამ მათ ბოლომდე გაუცრუა“, - ამის შესახებ &

ერთიანი ეროვნული გამოცდებისთვის მუნიციპალური ავტობუსების დამატებითი მარშრუტები დაინიშნება

3 ივლისი, 2020 , 16:00

ერთიანი ეროვნული გამოცდებისთვის, რომელიც 6 ივლისიდან 4 აგვისტოს ჩათვლით ჩატარდება, მუნიციპალური ავტობუსების დამატებითი მარშრუტები დაინიშნება. თბილისის მერიის ცნობით, ავტობუსები საგამოცდო ცენტრების მიმართულებით, 06:00 საა

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე