უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
არქივი
კომენტარი
თითქმის ყველა პოლიტიკურმა ჯგუფმა გამოხატა მოსაზრება, რომ აგრამუნტი უნდა გადადგეს - სოფიო ქაცარავა
თითქმის ყველა პოლიტიკურმა ჯგუფმა თავისი მკაფიო აზრი გამოხატა იმასთან დაკავშირებით, რომ აგრამუნტი უნდა გადადგეს, - განუცხადა ჟურნალისტებს საქართველოს პარლამენტის საგარეო ურთიერთობათა კომიტეტის თავმჯდომარემ, სოფიო ქაცარავამ სტრასბურგში.
მისი თქმით, დღეს ღია დებატები გაიმართება, რომელშიც ქართული მხარეც მიიღებს მონაწილეობას.
„საკმაოდ მწვავე რეაქცია იყო გუშინ, განსაკუთრებით, საგაზაფხულო სესიის დაწყების პირველ დღეს, როდესაც, თითქმის ყველა პოლიტიკურმა ჯგუფმა, თავისი მკაფიო აზრი გამოხატა იმასთან დაკავშირებით, რომ აგრამუნტი უნდა გადადგეს, ეს იყო ერთ-ერთი მოთხოვნა და, მგონი, ყველა ერთსულოვანი იყო, უმრავლესობა ყოველშემთხვევაში, უმრავლესობას ასეთი პოზიცია ჰქონდა.
დღეს იქნება როგორც მოგეხსენებათ ღია დებატები, ველოდებით, რომ იქნება საკმაოდ მწვავე კითხვები და შეფასებები იქნება პოლიტიკოსების მხრიდან. შედეგებზე ამ წუთას არ შემიძლია ვთქვა არაფერი და კომენტარი გავაკეთო, თუმცა იქნება საკმაოდ მწვავე დებატები და ჩვენც, ცხადია, მონაწილეობას მივიღებთ. სავარაუდოდ, შეიძლება, ჩვენც დავსვათ კითხვები. ჩვენც ვუერთდებით კოლეგებს იმ განცდაში და იმ შეფასებაში რაც გუშინ გამოიხატა“, - განაცხადა სოფიო ქაცარავამ.
ცნობისათვის: ევროსაბჭოს საპარლამენტო ასამბლეის პრეზიდენტს პედრო აგრამუნტის, საპარლამენტო ასამბლეის წევრები რუსი დეპუტატის თანდასწრებით სირიის პრეზიდენტთან შეხვედრის გამო, დაუპირისპირდნენ.
რეგლამენტით პედრო აგრამუნტის გადაყენება და იმპიჩმენტის საკითხის დაყენება დეპუტატებს არ შეუძლიათ, თუმცა 24 აპრილს სხდომათა დარბაზში გაკეთებული განცხადებები მიმართული იყო, რომ თავად პედრო აგრამუნტმა მიიღოს გადაწყვეტილება და დატოვოს თანამდებობა.
ნინო ექვთიმიშვილი