უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
არქივი
პოლიტიკა
თქვენი იუსტიციის მინისტრი გაათავისუფლეთ თანამდებობიდან, ხომ არ შეიძლება, ქვეყნის წინააღმდეგ საკუთარი იუსტიციის სამინისტრო მოქმედებდეს - გიორგი ვაშაძე
გაერთიანებული ოპოზიციის საპრეზიდენტო კანდიდატის, გრიგოლ ვაშაძის საარჩევნო შტაბის ხელმძღვანელმა გიორგი ვაშაძემ „ქართული ოცნების“ ლიდერების მიერ აგვისტოს ომსა და ჰააგის სასამართლოსთან დაკავშირებულ განცხადებებს შემაშფოთებელი უწოდა.
მისი მტკიცებით, მმართველი გუნდი თავისი ქმედებებითა და განცხადებებით საფრთხეს უქმნის როგორც ქართველ სამხედროებს, ასევე დეოკუპაციის პოლიტიკას.
ვაშაძემ იუსტიციის მინისტრი თეა წულუკიანი სახელმწიფო ინტერესების წინააღმდეგ ქმედებებში დასდო ბრალი და მისი გადადგომა მოითხოვა.
„საგანგაშო მდგომარეობა გვაქვს, „ქართული ოცნება“ გადავიდა აღვირახსნილ სიცრუეზე, რომელსაც ისინი ყოველდღიურად ავრცელებენ, მაგრამ მათი დღევანდელი განცხადებები ჰააგის სასამართლოსთან დაკავშირებით აღარანაირ ნორმასა და სტანდარტში აღარ ჯდება.
დღეს ბატონმა კალაძემ განაცხადა, რომ თითქოს ჩვენ ვამბობთ იმას, რომ ჰააგის სასამართლომ შეიძლება გამოიძიოს კონკრეტული სამხედროების საქმეები. ბატონო კახი, მოუსმინეთ თქვენი იუსტიციის მინისტრის განცხადებას გუშინ წინ, სადაც მან პირდაპირ თქვა, რომ კონკრეტულ სამხედროებთან მიმართებით შეიძლება საქმე აღძრას ჰააგის სასამართლომ. უფრო მეტიც, მან ჩაიდინა დანაშაული და თქვა, რომ ეს სამხედროები და სახელმწიფო არაფერ კავშირში არ არიან ერთმანეთთან, თითქოს ეს გმირები იყვნენ ვიღაცები.
2015 წელს ქალბატონმა წულუკიანმა გააგზავნა წერილი ჰააგის სისხლის სამართლის სასამართლოში სადაც თქვა, რომ ქართულმა მხარემ შეწყვიტა გამოძიება 2008 წლის ომთან დაკავშირებით. რა მიზნით? ძალიან კარგად იცოდა, რომ ჰააგის სისხლის სამართლის სასამართლო სწორედ ჩვენი სამხედროების წინააღმდეგ დაიწყებდა გამოძიებას ამის შემდეგ. რამდენიმე თვეში კი ეს გამოძიება ისევ გაანახლა, ეგონა, რომ ეს შეუმჩნეველი დარჩებოდა. უფრო მეტიც, ბატონო „ქართული ოცნების“ ლიდერებო, წლევანდელი წლის აგვისტოში სამოქალაქო სექტორმა პირდაპირ მოგიწოდათ, რომ დაუშვებელია საპრეზიდენტო არჩევნებში მონაწილე სუბიექტებისა და კანდიდატების მხრიდან 2008 წლის ომის საკითხებით სპეკულაცია, რადგან ამან შეიძლება გამოუსწორებელი ზიანი მიაყენოს ომით დაზარალებული პირებისთვის სამართლიანობის აღსრულებას, ეს ყველამ მოგიწოდათ და რას აკეთებთ საერთოდ? ან სახელმწიფო იცით რა არის? ან სახელმწიფო ინტერესი? ხომ არ შეიძლება, თქვენს პერსონალურ ინტერესებს გადააყოლოთ ქვეყანა? ხომ არ შეიძლება, რომ შენნი ქვეყნის წინააღმდეგ მოქმედებდე ყველა ნაბიჯით. ეს არის გამოუსწორებელი შედეგები, რაც შეიძლება საქართველომ იწვნიოს დეოკუპაციასთან მიმართებაში. არ შეიძლება, სამხედროებს ხაზი გადაუსვათ, ხალხო. ძალიან გთხოვთ, გონს მოეგეთ, ეს თქვენი განცხადებები ისევ რუსეთის მიერ იქნება გამოყენებული, როგორც თქვენი პრეზიდენტობის კანდიდატის სიტყვებია გამოყენებული, იმედი მაქვს, რომ ვერასდროს ვერ ეღირსება ეს ქალბატონი პრეზიდენტობას. ხალხო, არსებობს ქვეყანა, სახელმწიფო ინტერესი და სამშობლო, არ შეიძლება, ხაზი გადაუსვათ ამ ყველაფერს. შეეშვით ამ კატასტროფას. კიდევ ერთხელ ვამბობ, თქვენი იუსტიციის მინისტრი გაათავისუფლეთ თანამდებობიდან და ჩააბარეთ ვინმე ნორმალურს ეს საქმე. ხომ არ შეიძლება ქვეყნის წინააღმდეგ საკუთარი იუსტიციის სამინისტრო მოქმედებდეს, რასაც ის აკეთებს 2015 წლიდან.“- განაცხადა ვაშაძემ.