კომენტარი
ტრამპი პირველ 100 დღეს ნავთობმომპოვებელ კომპანიებს შეზღუდვას მოუხსნის, რაც რუსეთის ბიუჯეტზე მწარედ აისახება -გრიგოლ ვაშაძე
საქართველოს ყოფილი საგარეო საქმეთა მინისტრის გრიგორლ ვაშაძის განცხადებით, დონალდ ტრამპი პრეზიდენტობის პირველ 100 დღეს ნავთობმომპოვებელ კომპანიებს შეზღუდვას მოუხსნის.
როგორც ვაშაძემ „ტვ პირველის“ ეთერში აღნიშნა, ყოველივე ეს კი რუსეთის ბიუჯეტზე მწარე ეფექტს იქონიებს.
„სრულიად გაუგებარია, რითი არის გამოწვეული მოსკოვის პოლიტიკური ელიტის სიხარული დონალდ ტრამპის არჩევის გამო. მე მგონია, რომ ახლა დაფიქრდებიან და ნელ-ნელა ეს ენთუზიაზმი გაუვლით. ამასთან მიმართებაში ერთი მაგალითი მინდა მოგიყვანოთ. ბატონმა ტრამპმა განაცხადა და ამას აუცილებლად გააკეთებს, რომ პრეზიდენტობის პირველ 100 დღეში აპირებს ყველანაირი შეზღუდვა მოუხსნას ნავთობისა და გაზის მომპოვებელ კომპანიებს და ამის გამოცხადებული მიზანია - შეწყვიტოს ნავთობის ყიდვა საუდის არაბეთიდან. ეს იმას ნიშნავს,რომ ირანთან ერთად, რომელიც დაუბრუნდა საერთაშორისო ენერგომატარებლების ბაზარს, საუდის არაბეთის ნავთობიც ზედმეტი გახდება, რომელიც მწარე ეფექტს იქონიებს რუსეთის ბიუჯეტზე“,-განაცხადა ვაშაძემ.
მონიკა დავლიანიძე