საზოგადოება

„ცენტრ-პოინტის“ დაზარალებულმა მენაშეებმა საქალაქო სასამართლოსთან აქცია გამართეს

თბილისის საქალაქო სასამართლოსთან სამშენებლო კომპანია „ცენტრ-პოინტის“ დაზარალებულმა მენაშენეებმა აქცია გამართეს.

შეკრების მონაწილეთა განმარტებით, ისინი „ცენტრ-პოინტსა“ და კომპანია „m2“-ს შორის მიმდინარე მოლაპარაკებებში მხარედ არ არიან წარმოდგენილი, რის გამოც მათ არ ეძლევათ გარანტიები, რომ კომპანიებს შორის გაფორმებული ხელშეკრულებით მათი ბინების მშენებლობა დასრულდება.

გარდა ამისა, დაზარალებული მენაშენეები უკმაყოფილო არიან საქმეზე მიმდინარე გაჭიანურებული სასამართლო პროცესით.

სასამართლოში სხდომა ე.წ მაგნოლიის ეპიზოდზე მიმდინარეობს , რომელზეც გურამ და მაია რჩეულიშვილებს დიდი ოდენობით თანხების მითვისება ედებათ ბრალად.

„ცენტრ-პოინტსა“ და კომპანია „m2“-ს შორის ხელშეკრულება გაფორმდა, რომლის ფარგლებში, გარკვეული პირობების შესრულების შემთხვევაში, „m2“ „ცენტრ-პოინტის“ ობიექტებზე მშენებლობას დაასრულებს და ეტაპობრივად, სამი წლის განმავლობაში, ბინას ყველა დაზარალებული მიიღებს.