საზოგადოება

ციხეებში არსებული წესრიგი ძალადობრივ მეთოდებს ეფუძნება, რამაც პატიმართა სიცოცხლე და ჯანმრთელობა შესაძლოა საფრთხის ქვეშ - ნინო ლომჯარია

სახალხო დამცველმა ნინო ლომჯარიამ პარლამენტში სიტყვით გამოსვლისას განაცხადა, რომ გასულ წელს ჩატარებული მონიტორინგის შედეგად, გაირკვა, რომ საქართველოს ციხეებში არაფორმალური მმართველობის შემთხვევები აქტიურად ფიქსირდება.

"ანგარიშის მიხედვით, ციხეებში არ არის ძალადობისგან თავისუფალი გარემო, რაც კრიმინალური სიბკულტურების არსებობაში ვლინდება, რომელიც პატიმრების მიმართ არასათანადო მოპყრობის, ჩაგვრისა და ძალადობის მიზეზი ხშირად ხდება. დაწესებულებებში ციხის კრიმინალური სუბკულტურის არსებობა სხვადასხვა გამოვლინებით გვხვდება და არსებობს საბჭოთა დროიდან, თუმცა იგი დღესაც, სამწუხაროდ, აქტიურად გამოიყენება პენიტენციურ დაწესებულებებში და გულისხმობს ე.წ. მაყურებლების მიერ წესრიგის შენარჩუნებას",- განაცხადა ნინო ლომჯარიამ.

მისი თქმით, ციხეებში არსებული წესრიგი ძალადობრივ მეთოდებს ეფუძნება, რამაც პატიმართა სიცოცხლე და ჯანმრთელობა შესაძლოა საფრთხის ქვეშ დააყენოს. ამის მაგალითად სახალხო დამცველმა 2015 წლის "მილაშვილის საქმე" მოიყვანა. მასზე გავლენიანი პატიმრების მხრიდან განხორციელებულ ძალადობას სასამართლომ წამების კვალიფიკაცია მიანიჭა.

სახალხო დამცველი პარლამენტის ადამიანის უფლებათა კომიტეტზე N2, N8, N14 და N15 პენიტენციურ დაწესებულებებში საქართველოს სახალხო დამცველის სპეციალური პრევენციული ჯგუფის მიერ განხორციელებული მონიტორინგის შედეგებზე მომზადებულ სპეციალურ ანგარიშთან დაკავშირებით მოხსენებით წარდგა.