უკან

უახლესი ამბები

დღის კალენდარი

ანონსები

არქივი

პოლიტიკა

5 ნოემბერი, 2018 12:25
font-size

თუ არჩევნებზე არ მიხვალ, შენს ქვეყანას კოხტა კოდუების ეპოქაში დააბრუნებ - ირმა ინაშვილი

,,პატრიოტთა ალიანსის“ ერთ-ერთი ლიდერი ირმა ინაშვილი განმარტებას აკეთებს იმასთან დაკავშირებით, თუ რატომ უჭერს მხარს მისი პარტია არჩევნების მეორე ტურში სალომე ზურაბიშვილს.

,,ცხოვრებაში ბევრი რამ ვნახე, მაგრამ მაინც მაკვირვებს, იცით, როგორი ხალხი?! ხედავს: ქვეყანა საფრთხეშია და საკუთარი, პარტიული "ზნაჩოკის" გადარჩენაზე წუხს, ქვეყანაზე- არა. ამ დროს ვერ, თუ არ აცნობიერებს, რომ თავის ქვეყანას ვნებს.

მგონი, სწორად მესმის სახელმწიფოებრივი აზროვნების არსი. სახელმწიფოებრივი აზროვნება იმას გულისხმობს, რომ როცა ასეთი მომენტი დგება, როცა იცი, რომ ქვეყანას საფრთხე უახლოვდება, შენი პირადიც უკან გადაწიო და შენი პარტიულიც.

ახლა, ამ ვითარებაში, ვისაც ტვინი აქვს, უნდა ხვდებოდეს, რომ არაა სხვა არჩევანი- შენი პასიურობით, სიბრაზით, პროტესტით (სამართლიანიც რომ იყოს ეს ტკივილი და პროტესტი და უდაოდ სამართლიანია!), თუ არჩევნებზე არ მიხვალ, შენს ქვეყანას კოხტა კოდუების ეპოქაში დააბრუნებ. თუ მიხვალ და მხარს ვაშაძეს დაუჭერ, ისევ იგივე პერსპექტივას უჭერ მხარს- კოხტა კოდუების ეპოქაში დაბრუნებას! შეიძლება, არ გინდა, არ მოგწონს, ბევრი პრეტენზიაც გაქვს, მაგრამ გრჩება ზურაბიშვილის კანდიდატურა, რომელიც კასრების ეპოქაში დაბრუნებას ნამდვილად არ ნიშნავს. პირველ ტურში ხალხმა ხელისუფლებას ძალა აჩვენა. მეც ყველა გადავხაზე. ახლა ისევ უნდა ვაჩვენოთ ჩვენი ძალა- ყველანი მივიდეთ არჩევნებზე და გადავხაზოთ ვაშაძე!

ვის უკვირს ჩვენგან, საქართველოს პატრიოტთა ალიანსისგან, რომ ჩვენ ვაშაძე- ნაციონალების მხარდამჭერები ვერ ვიქნებით?! მგონი, საღადმოაზროვნეს- არავის! შექმნილ ვითარებაში არის იმისი დრო, რომ ზურაბიშვილს გავებუტოთ და "ქართული ოცნების" გარკვეული ჯგუფების მხრიდან ისედაც ხაფანგდაგებულ კანდიდატს პროტესტი გამოვუცხადოთ?! მე მგონია, რომ ეს უფრო საკუთარი ქვეყნისადმი პროტესტის გამოცხადება იქნება, რაც არასდროს გაგვიკეთებია და არ გავაკეთებთ! ამიტომ ჩვენმა პარტიამ, ჩვენმა გუნდმა მიიღო გადაწყვეტილება,- მაქსიმალურად ჩაერთოს არჩევნების მეორე ტურში და მოუწოდოს საკუთარ მხარდამჭერებს,- აუცილებლად მივიდნენ არჩევნებზე და დააფიქსირონ მკაფიო პოზიცია: არა- სააკაშვილს! არა- ბოკერიას! არა- ვაშაძეს! არა- ნაცმოძრაობას და არა- ნაცმოძრაობის ნამსხვრევებს!

ხოლო ამ არჩევნების შემდეგ, დავიწყებთ (განვაგრძობთ) მართლაც რადიკალურ ქმედებებს "ქართული ოცნების" მიმართ, რომელმაც არჩევნების მეორე დღიდან უნდა შეწყვიტოს მოღალატური კოჰაბიტაცია ნაცმოძრაობის ორივე ჯგუფთან! უნდა დაასრულოს საკუთარ კეთილდღეობაზე ზრუნვა და მიხედოს მშიერ ხალხს! უნდა მოგვაშოროს ისეთი ბოდვითი პროექტები, როგორიც იყო მარიხუანას კულტივიზაცია და ა.შ. ამაზე და სხვა მწვავე თემებზე არჩევნების მეორე დღიდან დაგვჭირდება ბრძოლა.

ღმერთი იყოს ჩვენი და საქართველოს მფარველი!“ - წერს ირმა ინაშვილი.

ოპოზიციური პარტიები სხვადასხვა ქვეყნის მთავრობებს და საერთაშორისო ორგანიზაციებს მიმართავენ

3 აპრილი, 2020 , 12:20

ოპოზიციური პარტიები ავრცელებენ მიმართვას, რომლის ადრესატებიც აშშ-ს მთავრობა, დიდი ბრიტანეთის მთავრობა, კანადის მთავრობა, ნორვეგიის მთავრობა, შვეიცარიის მთავრობა, ევროკავშირი, მსოფლიო ბანკი, სავალუტო ფონდი, ევროპის განვით

საარჩევნო კოდექსის ცვლილებაზე კანონპროექტის პარლამენტში ინიცირება უახლოეს მომავალში მოხდება - ირაკლი კობახიძე

2 აპრილი, 2020 , 19:24

საარჩევნო კოდექსის ცვლილებაზე კანონპროექტის პარლამენტში ინიცირება უახლოეს მომავალში მოხდება. აღნიშნულ საკითხთან დაკავშირებით საბოლოო კონსულტაციები დისტანციურ რეჟიმში გაიმართა, - ამის შესახებ საპარლამენტო უმრავლესობის წევ

არ გვაქვს უფლება, გამოვიდეთ და ზოგიერთი უპასუხისმგებლო პოლიტიკოსივით რაღაც დაპირებები გავცეთ - გიორგი გახარია

2 აპრილი, 2020 , 12:15

არ გვაქვს უფლება, გამოვიდეთ და ზოგიერთი უპასუხისმგებლო პოლიტიკოსებივით რაღაც დაპირებები გავცეთ. ჩვენი პასუხისმგებლობა ცოტა სხვა არის, ჩვენი პასუხისმგებლობა ნიშნავს იმას, რომ თითოეული ნათქვამი სიტყვა უნდა შესრულდეს და ასე

ჩვენ დღეს თავისუფალ ქვეყანაში ვცხოვრობთ და ევროპულ სახელმწიფოს ვაშენებთ. ამაში ზვიად გამსახურდიას დიდი წვლილი მიუძღვის - გიორგი გახარია

31 მარტი, 2020 , 20:42

ჩვენ დღეს თავისუფალ და დამოუკიდებელ ქვეყანაში ვცხოვრობთ და ევროპულ სახელმწიფოს ვაშენებთ, რაშიც ზვიად გამსახურდიას დიდი წვლილი მიუძღვის, – ამის შესახებ საქართველოს პრემიერ-მინისტრი სოციალურ ქსელში წერს. „დღეს

სახლში დარჩენის გარდა, რას სთავაზობს ხელისუფლება ხალხს?! - ნინო ბურჯანაძე

31 მარტი, 2020 , 12:50

„რაც არ უნდა მძიმე იყოს ჩვენი მდგომარეობა, ჩვენ აუცილებლად გვჭირდება სტრატეგიული ანტიკრიზისული გეგმა. იმ ადამიანს, რომელსაც ეუბნები, რომ კარანტინის დროს სახლში უნდა დარჩეს, მან აუცილებლად უნდა იცოდეს ორი დღის შემდე

არც კარანტინია გამორიცხული და არაფერი - გია ვოლსკი

30 მარტი, 2020 , 16:50

თუ საგანგებო მდგომარეობა გამკაცრდება, ან საკარანტინო რეჟიმი გამოცხადდება, ეს იქნება დამყარებული არა რომელიმე პოლიტიკოსის გადაწყვეტილებაზე, ან პოპულისტურ ქმედებებზე, რაც ბოლო პერიოდში ჩვენს ოპონენტებს დასჩემდათ, არამედ ჩა