საზოგადოება

თუ მოსკოვში მოლაპარაკებები ”პატრიოტთა ალიანსის” კერძო ინიციატივაა, მისასალმებელია, მაგრამ უშედეგო იქნება

როგორც მე ვხედავ ხელისფულება არ იზიარებს ”პატრიოტთა ალიანსის” პოზიციებს, აქედან გამომდინარე, არ მინდა გამოჩნდეს ისე, რომ „პატრიოტთა ალიანსი“ ტყუილად დადის მოსკოვში.

ამის შესახებ ექსპერტმა მამუკა არეშიძემ პრესკონფერენციაზე განაცხადა.

”მე ყოველთვის დიალოგის პროცესის მხარდამჭერი ვიყავი რუსეთთან. მე თვითონ ვმონაწილეობ ასეთი დიალოგის პროცესში საექსპერტო დონეზე. ეს დიალოგი აუცილებელია. უბრალოდ, მე ვთვლი რომ ძალიან რთულია აწარმოო დიალოგი, როცა არ გაქვს რწმუნებები.

არ ვიცი, ”პატრიოტთა ალიანსს” რამდენად აქვს რწმუნებები, რადგან ამის თაობაზე ჩვენთვის არავის არაფერი უთქვამს. დიალოგი საჭიროა, მაგრამ როცა პოლიტიკური ძალა აწარმოებს დიალოგს მას ორი ფუნქცია შეიძლება ჰქონდეს, ერთი – ზონდაჟის, ამის შემდეგ ახალ ეტაპზე უნდა გადავიდეს, და მეორე, უკვე საგნობრივი მოლაპარაკები.

არ ვიცი, ზონდაჟმა როგორ ჩაიარა ”პატრიოტთა ალიანსის” შემთხვევაში, რა ახალ ეტაპზე გადავიდნენ, რისთვის მიდიან და მეორე წასვლაზე რა აქვთ სათქმელი.

როგორც მე ვხედავ ხელისფულება არ იზიარებს ”პატრიოტთა ალიანსის” პოზიციებს, აქედან გამომდინარე, არ მინდა, ”პატრიოტთა ალიანსი” გამოჩნდეს ისე, რომ ტყუილად დადის მოსკოვში. საგნობრივი მოლაპრაკების პროცესი იქმნება თუ არ იქმნება, ეს ჩვენ არ ვიცით“,-განმარტა ექსპერტმა.

მონიკა დავლიანიძე