უკან

უახლესი ამბები

დღის კალენდარი

ანონსები

არქივი

სამართალი

14 თებერვალი, 2018 17:00
font-size

თუ პროკურატურა არ წარუდგენს ბრალს ვინმეს 2019 წლის 14 თებერვლამდე, სამართლებრივი ბრძოლის გაგრძელების ბერკეტებს დავკარგავთ - დავით დვალი

ტელეკომპანია „რუსთავი 2“-ის ერთ-ერთმა დამფუძნებლებმა დავით დვალმა და ჯარჯი აქიმიძემ დღეს პრესკონფერენცია გამართეს, რომელშიც ისაუბრეს არხის წართმევასთან დაკავშირებულ გამოძიებაზე.

დავით დვალის მტკიცებით, საქმეზე მოპოვებული მასალები, დადგენილი გარემოებები და დეტალები საკმარისია იმისათვის, რომ ვინმეს ბრალი წაუყენოს პროკურატურამ.

დვალის თქმით, გამოძიება შეჩერდა მას შემდეგ, რაც მას და აქიმიძეს დაზარალებულის სტატუსი მიანიჭეს. პასუხის გასაგებად რუსთავი 2-ის ერთ-ერთმა დამფუძნებლებმა მთავარ პროკურატურასაც მიმართეს, თუმცა არავინ არ გამოეხმაურა. აქიმიძესა და დვალს დაზარალებულად ცნეს ზუსტად სამი წლის წინ.

დვალის თქმით, თუ მანამდე არავის არ წაუყენებენ ბრალს, რუსთავი 2-ის დამფუძნებლები საქართველოში რაიმე სახის დავის გაგრძელების მხრივ სამართლებრივ ბერკეტებს დაკარგავენ.

„მთელი გამოძიება ჩერდება იმაზე, რომ ჩვენ მოგვენიჭა დაზარალებულის სტატუსი. ამის შემდეგ არანაირი აქტივობა გამოძიების მასალებში არ ჩანს. ჩვენ რამდენჯერმე მივმართეთ პროკურატურას წერილობით, მათ შორის მთავარ პროკურორს, თუ რატომ აღარ ხორციელდება არავითარი აქტიურობა, თუმცა პასუხი ამ დრომდე არ მიგვიღია. ჩვენთვის ეს პასიურობა ძალიან შემაშფოთებელია, რადგან გაისად, დაახლოებით ერთი წლის შემდეგ, იმ შემთხვევაში, თუ პროკურატურა არ წარუდგენს ბრალს ვინმეს, ვისთან მიმართებაშიც გამოიკვეთა, რომ ის არის დანაშაულის ჩამდენი, ჩვენს საქმეს გასდის ხანდაზმულობის ვადა, რაც იმას ნიშნავს, რომ ჩვენ ვკარგავთ ყოველგვარ სამართლებრივ ბერკეტს შემდგომი სამართლებრივი ბრძოლის გაგრძელებისთვის შიდა ინსტანციებში. გამოძიებისას შეგროვებული მასალებით პრაქტიკულად ნათლად ჩანს, თუ ვინ, რატომ, როდის, სად დაგეგმა, როგორ დაიგეგმა საერთოდ ეს სპეცოპერაცია სახელად "რუსთავი 2"-ის წართმევა“ და ა.შ. ეს მასალები, ჩემი აზრით, სრულად საკმარისია იმისთვის, რომ პროკურატურამ ვინმეს ბრალი წაუყენოს", - განაცხადა დვალმა.

აქიმიძისა და დვალის ინფორმაციით, საქმეს ხანდაზმულობის ვადა 2019 წლის 14 თებერვალს გასდის.

აქიმიძემ და დვალმა მიმართეს პროკურატურას, აღნიშნულ საქმეზე შესაბამისი სამართლებრივი გადაწყვეტილება მიიღოს, რათა მათ შეძლონ "რუსთავი 2"-ის წართმევის საქმეზე, ქართულ სასამართლოებში დავის დაწყება შეძლონ.

ანა მებურიშვილი

შინაგან საქმეთა სამინისტრომ ფოთში განსაკუთრებით დიდი ოდენობით ნარკოტიკი ამოიღო

22 სექტემბერი, 2018 , 13:40

შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის ფოთის საქალაქო სამმართველოს თანამშრომლებმა, ჩატარებული ოპერატიულ-საგამოძიებო ღონისძიებების შედეგად, 1971 წელს დაბადებული ფ.შ. განსაკუთრებით დიდი

სახელმწიფო ქონების მართლსაწინააღმდეგო დაუფლების ფაქტებზე 19 მეწარმე სუბიექტი პასუხისგებაში მისცა

22 სექტემბერი, 2018 , 12:55

საქართველოს ფინანსთა სამინისტროს საგამოძიებო სამსახური აგრძელებს აქტიურ მუშაობას საქართველოს მასშტაბით მიმდინარე სხვადასხვა სახის ინფრასტრუქტურული პროექტების განხორციელების პროცესში შესაძლო დანაშაულებრივი ქმედებების გამო

გორში ძარცვის ბრალდებით ორი პირი დააკავეს

22 სექტემბერი, 2018 , 11:15

შინაგან საქმეთა სამინისტროს შიდა ქართლის პოლიციის დეპარტამენტის თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, ბიძა-დისშვილი: 1977 წელს დაბადებული რ.ქ. და 1984 წელს დაბადებული გ.თ., ძ

სახელმწიფო საზღვრის უკანონოდ გადაკვეთის მცდელობისა და ყალბი დოკუმენტის გამოყენების ბრალდებით 2 პირი დააკავეს

22 სექტემბერი, 2018 , 11:15

შინაგან საქმეთა სამინისტროს საპატრულო პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, თბილისის საერთაშორისო აეროპორტში, საქართველოს სახელმწიფო საზღვრის უკანონოდ გადაკვეთის მც

პროკურატურაში აცხადებენ, რომ გამოძიება „ომეგა ჯგუფთან“ დაკავშირებით დღეს გავრცელებული ჩანაწერითაც დაინტერესდება

21 სექტემბერი, 2018 , 17:50

მთავრი პროკურატურაში აცხადებენ, რომ გამოძიება „ომეგა ჯგუფთან“ დაკავშირებით დღეს გავრცელებული ფარული ჩანაწერითაც დაინტერესდება. “უკვე აღძრული სისხლის სამართლის საქმის ფარგლებში გამოძიება მიმდინარეობს, რო

ოჯახში ძალადობისთვის ბრალდებულს თავისუფლების აღკვეთა განესაზღვრა

21 სექტემბერი, 2018 , 17:30

თელავის რაიონულმა სასამართლომ გაიზიარა პროკურატურის მიერ წარდგენილი მტკიცებულებები და 2018 წლის 13 სექტემბრის განაჩენით, ოჯახში ფიზიკური ძალადობისთვის ბრალდებული თ.ტ. დამნაშავედ ცნო საქართველოს სისხლის სამართლის კოდექსის

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`