კომენტარი

თუ შოუს მოწყობა სურთ, ამაზეც მზად ვარ - კახა კალაძე

საქართველოს ენერგეტიკის მინისტრი "ნაციონალურ მოძრაობას" მოთხოვნას პასუხობს, რომლის წევრებიც პარლამნეტში მის მისვლას ითხოვენ.

კახა კალაძის თქმით, "გაზპრომთან" ხელშეკრულება კომერციული საიდუმლოებაა, მაგრამ დეტალებზე საუბარი პარლამენტის ნდობის ჯგუფშია შესაძლებელი.

,,რაც შეეხება დაბარებას, მქონდა კონსულტაციები პარლამენტის თავმჯდომარესთან. ეს არის კომერციული საიდუმლოება და ვფიქრობ, თუ ნაციონალურ მოძრაობას რეალურად აინტერესებს გაფორმებული ხელშეკრულების შესახებ, ნდობის ჯგუფი არსებობს, შეიძლება მივიდე, დეტალურად ვაჩვენო და ავუხსნა თუ რა ხელშეკრულებაა. თუ მათ შოუს მოწყობა სურთ, ამაზეც მზად ვარ“, - განაცხადა კალაძემ.

ნინო ექვთიმიშვილი