საზოგადოება
თურქეთში ქართველი დასაქმებულების მდგომარეობას პროფკავშირები ადგილზე ეცნობიან
საქართველოს პროფესიული კავშირების გაერთიანების დელეგაცია ქ. სტამბოლში გაემგზავრა. პროფკავშირების ხელმძღვანელები თურქეთში შრომის სფეროში არსებულ ვითარებას, შრომითი მიგრაციისა და ადგილობრივი შრომითი ბაზარის თანამედროვე გამოწვევებს ეცნობიან.
საქართველოს პროფკავშირების გაერთიანება დაინტერესებულია ქართველი დასაქმებულების მდგომარეობით და მათი საქმიანობის პირობებით თურქეთში. ამ მიზნით, ვიზიტის ფარგლებში, საქართველოს პროფესიული კავშირების დელეგაცია ხვდება თურქეთის პროგრესული პროფკავშირების კონფედერაციის (DISK) ხელმძღვანელობას.
გაფორმდა თანამშრომლობის ხელშეკრულება და შესაბამისი სამოქმედო გეგმა, რომელიც მოემსახურება თურქეთში მყოფი ქართველი მიგრანტი მშრომელების დახმარებას.
ვიზიტის ფარგლებში საქართველოს პროფკავშირების გაერთიანების თავმჯდომარე ირაკლი პეტრიაშვილი და მისი მოადგილე გოჩა ალექსანდრია ქართული დიასპორის წარმომადგენლებსთან შეხვედრას გამართავენ.