საზოგადოება

უწმინდესმა თქვა, არაა იმის დრო და საშუალება, რომ ზარ-ზეიმით ავღნიშნო ჩემი დაბადების დღე - პატრიარქის ექიმი

დღეს კათოლიკოს-პატრიარქის, ილია მეორის დაბადების დღეა. თუმცა 85 წლისთავის აღსანიშნავი ოფიციალური ღონისძიებები დღეისთვის დაგეგმილი არაა.

პატრიარქის ექიმმა, მანანა შეროზიამ პატრიარქის ჯანმრთელობის მდგომარეობის შესახებ კითხვაზე უპასუხა, რომ ილია მეორე თავს ნორმალურად გრძნობს.

მისივე განმარტებით, დაბადების დღის პომპეზურ აღნიშვნაზე თავად პატრიარქმა თქვა უარი.

„უწმინდესმა თქვა, რომ ახლა არ არის ამის დრო და საშუალება, რომ ზარ-ზეიმით ავღნიშნო ჩემი დაბადების დღე, ეს იყო მიზეზი, რომ უწმინდესმა უარი თქვა პომპეზური დაბადების დღის აღნიშვნაზე“, -უთხრა შეროზიამ ჟურნალისტებს.

ანა მებურიშვილი