უკან
უახლესი ამბები
არქივი
საზოგადოება
27 თებერვალი, 2018 11:15
უვიზო მიმოსვლის დღეების გამომთვლელი მობილური აპლიკაციის პრეზენტაცია დღეს შედგება
შენგენის/ევროკავშირის ზონაში გატარებული დღეებისა და დარჩენილი დღეების გამოსათვლელად სპეციალური მობილური აპლიკაცია შეიქმნა. იუსტიციის სამინისტროს სსიპ "სახელმწიფო სერვისების განვითარების სააგენტოში" აპლიკაციის პრეზენტაციას იუსტიციის მინისტრი თეა წულუკიანი დღეს გამართავს.
უვიზო მიმოსვლის დღეების გამომთვლელი მობილური აპლიკაცია "Schengen/EU App" მოქალაქეებს დაეხმარება უნებურად არ დაარღვიონ უვიზო მიმოსვლის წესები.
აპლიკაციის დახმარებით შესაძლებელი იქნება: შენგენის ზონაში მოგზაურობის ისტორიის შენახვა (მათ შორის, ქვეყნების მითითებით), დარჩენილი დღეების რაოდენობის გამოთვლა, კონკრეტული მოგზაურობის ან მოგზაურობის ისტორიის ამსახველი ვიზუალური ინფორმაციის გაზიარება სოციალურ ქსელებში.
ცირა გურგენიძე