კომენტარი
ვაკვირდებით და ვსწავლობთ სხვადასხვა ანგარიშებს, თუმცა ჩვენი აზრი გაგვაჩნია საქართველოში არსებულ პროგრესზე - იანოშ ჰერმანი
საქართველოში ევროკავშირის ელჩის იანოშ ჰერმანის განცხადებით, იგი აკვირდება ყველა ანგარიშს, რომელსაც საქართველოს შესახებ არასამთავრობო ორგანიზაციები აქვეყნებენ.
თუმცა, როგორც ელჩმა საკითხის კომენტირებისას მედიას განუცხადა, მას საქართველოში არსებულ პროგრესზე საკუთარი აზრი გააჩნია.
„ჩვენ ვაკვირდებით და ვსწავლობთ სხვადასხვა ანგარიშებს, განსაკუთრებით, არასამთავრობო ორგანიზაციების ანგარიშებს, თუმცა ჩვენი აზრი გაგვაჩნია საქართველოში არსებულ პროგრესზე, ასოცირების ხელშეკრულების იმპლემენტაციის კონტექსტში. ცოტა ხნის წინ ჩვენ გამოვაქვეყნეთ ჩვენი ანგარიში, რომელშიც მოცემულია ევროკავშირის მოსაზრება“,-აღნიშნა იანოშ ჰერმანმა.
Human Rights Watch-მა 2017 წლის მსოფლიო ანგარიში გამოაქვეყნა. 687-გვერდიან ანგარიშში ორგანიზაცია განიხილავს ადამიანის უფლებების პრაქტიკას 90-ზე მეტ ქვეყანაში.
ანგარიშში საქართველოც მოხვდა. კერძოდ, ყურადღება გამახვილდა სამართალდამცავი ორგანოების თანამშრომლების მიერ ჩადენილი დანაშაულების გამოძიების კუთხით არსებულ ვითარებაზე, ასევე მედიის თავისუფლების საკითხებზე და ლგბტ ადამიანების უფლებათა დარღვევის ფაქტებზე.
მონიკა დავლიანიძე