უკან

უახლესი ამბები

დღის კალენდარი

ანონსები

არქივი

სამართალი

9 ოქტომბერი, 2018 12:45
font-size

ვანო ჩხარტიშვილი „იბერიასა“ და „რუსთავი 2“-ის წინააღმდეგ სასამართლო დავას იწყებს - ზაზა ხატიაშვილი

ბიზნესმენი ვანო ჩხარტიშვილის ადვოკატის, ზაზა ხატიაშვილის განცხადებით, მისი კლიენტი ტელეკომპანია „იბერიასა“ და „რუსთავი 2“-ის წინააღმდეგ სასამართლო დავას იწყებს. უფლებადამცველის განცხადებით, „რუსთავი 2“-ისა და „იბერიას“ ეთერში გასულმა აუდიოჩანაწერებმა, რომლებიც „ომეგა ჯგუფის" სკანდალურ საქმეს ეხებოდა, შელახა ვანო ჩხარტიშვილის პატივი და ღირსება.

ხატიაშვილმა დღევანდელ პრესკონფერენციაზე განაცხადა, რომ მედიაში გავრცელებული აუდიოჩანაწერების ავთენტურობის დასადგენად, ჩხარტიშვილის დაცვის მხარემ ლონდონის ორ ცნობილ საექსპერტო ბიუროს მიმართა და არა ორიგინალი, არამედ ტელევიზიებიდან ჩამოწერილი ჩანაწერები მიაწოდა, რის შედეგადაც, დადგინდა, რომ ვანო ჩხარტიშვილზე გავრცელებული სამივე ფარული აუდიოჩანაწერი გადაკეთებული, მანიპულირებული და დამონტაჟებულია.

მისივე თქმით, ერთ-ერთ ჩანაწერში აღინიშნება 8 სხვადახვა ჩანაწერის გამოყენება და 6 მონტაჟი. ამასთან, ხატიაშვილის განცხადებით, ისინი სასამართლო დავას დაიწყებენ არა მარტო ტელეკომპანიების, არამედ მათი ხელმძღვანელების, „ომეგა ჯგუფის“ მფლობელის, ზაზა ოქუაშვილის და რუსთავი 2-ის გენერალური დირექტორის ნიკა გვარამიას წინააღმდეგ.

„მსოფლიოს ორი წამყვანი ბრიტანული ექსპერტიზის ბიუროს დასკვნით, ვანო ჩხარტიშვილზე ბოლო პერიოდში გავრცელებული აუდიოჩანაწერები არის ხელით მანიპულირებული, გადაკეთებული ან სხვადასხვა დროსა და ადგილას გაკეთებული ჩანაწერების მონტაჟი. ბოლო პერიოდში „ომეგა ჯგუფის“ ხელმძღვანელის ზაზა ოქუაშვილის, ტელეკომანიების „რუსთავი 2“-ისა და „იბერიას“ მიერ ვანო ჩხარტიშვილზე გავრცელებული ფარული აუდიოჩანაწერების ავთენტურობის დასადგენად მე მივმართე ლონდონის ორ ცნობილ საექსპერტო ბიუროს, რომელთა სანდოობა და ავტორიტეტი საყოველთაოდაა აღიარებული გაერთიანებულ სამეფოსა და ევროპაში. წინა კვირას ჩვენ საზოგადოებას წარვუდგინეთ ლონდონის ექსპერტიზის ბიუროს „აუდიო ფორენზიქ სერვისიზის“ (Audio Forensic Services) 2018 წლის 1 ოქტომბრის დასკვნა, რომლის თანახმადაც, ბოლო პერიოდში ტელეეთერებით ვანო ჩხარტიშვილზე გავრცელებული სამივე ფარული აუდიოჩანაწერი ხელით არის მანიპულირებული, გადაკეთებული ან დამონტაჟებული და სამივე ჩანაწერი იძლევა ძალზე მყარ საფუძველს იმის სათქმელად, რომ აუდიოჩანაწერებზე აღინიშნება წყვეტა. უფრო მეტიც, ერთ-ერთ 02.06 წუთიან ჩანაწერში, აღინიშნება 8 სხვადასხვა ჩანაწერის გამოყენება და 6 მონტაჟი”, - განმარტა ჩხარტიშვილის ადვოკატმა.

ასევე ხატიაშვილმა ლონდონის საექსპერტო ბიუროს „დილიჯენსის” 3 ოქტომბერს დადებული დასკვნა წარმოადგინა, რომლის თანახმად, ზაზა ხატიაშვილის თქმით, აუდიოჩანაწერებში არსებობს წყვეტა და სამი აუდიოჩანაწერის ექსპერტიზის ჩატარების შედეგად აღმოჩენილია თორმეტი ანომალია. ამასთან ადვოკატის მიერ დღეს წარმოდგენილ დასკვნაში წერია, ექსპერტი იტოვებს უფლებას, გადახედოს დასკვნებს იმ შემთხვევაში, თუ შემდგომი წვდომა ორიგინალ ჩანაწერებთან და ჩამწერ მოწყობილობასთან ექნება.

„მე დღეს არასამთავრობო სექტორს გავაცანი აღნიშნული დასკვნები და ვთხოვე მათ, რათა შეაფასონ ტელეკომპანიების მხრიდან დამონტაჟებული და ფალსიფიცირებული მასალების გამიზნულად გავრცელების აღმაშფოთებელი ფაქტები. ასევე მივმართე „რუსთავი 2“-ს და ტელეკომპანია „იბერიას“, რომ შეწყვიტონ ყალბი და დამონტაჟებული ფარული ჩანაწერების მეშვეობით ჩემი დაცვის ქვეშ მყოფი ვანო ჩხარტიშვილის დისკრედიტაციის კამპანია, რომელიც ლახავს მის რეპუტაციას და არის დამაზიანებელი მისი საქმიანობისთვის. ჩვენ უკვე მივმართეთ ლონდონის ერთ-ერთ წამყვან აუდიტორულ კომპანიას, რათა მან დაადგინოს ამ უსაფუძვლო და ცილისმწამებლური კამპანიისაგან მიღებული ზარალის ოდენობა”,- აღნიშნა ადვოკატმა.

უფლებადამცველის თქმით, იმ შემთხვევაში, თუ მათი ექსპერტიზის დასკვნის საწინააღმდეგო დასკვნა გამოქვეყნდება, მასალების გაყალბებისთვის მოდავე მხარეებს პასუხისგება საფრანგეთის სამართლებრივ სივრცეში მოუწევთ. მისივე განცხადებით, ორივე საექსპერტო ბიუროს დასკვნას, რომელიც ვანო ჩხარტიშვილის დაცვის მხარემ წარმოადგინა, გასაცნობად ასევე საქართველოში დიდი ბრიტანეთის, აშშ-ის, გერმანიისა და საფრანგეთის საელჩოებს მიაწვდის.

რატომ შეუზღუდეს გიგი უგულავას ქვეყნის საზღვრის გადაკვეთის უფლება - შსს განცხადებას ავრცელებს

23 იანვარი, 2021 , 17:10

შსს „ევროპული საქართველოს“ ერთ-ერთი ლიდერ, გიგი უგულავასთან დაკავშირებით განცხადებას ავრცელებს. როგორც სამინისტროში განმარტავენ, შსს-ს ბაზაში არ იყო ასახული განახლებული ინფორმაცია იმის თაობაზე, რომ გიგი უგულა

პოლიციამ „კოვიდ-19“-ის საწინააღმდეგო რეგულაციების დარღვევის 849 ფაქტი გამოავლინა

23 იანვარი, 2021 , 13:00

შინაგან საქმეთა სამინისტროს ინფორმაციით, მონიტორინგის შედეგად ბოლო 24 საათის განმავლობაში მთელი ქვეყნის მასშტაბით, დაწესებული შეზღუდვების ფარგლებში მოქმედი რეგულაციების დარღვევის 849 ფაქტი გამოვლინდა. პოლიციამ ადმინისტრა

პოლიციამ განსაკუთრებით დიდი ოდენობით „ჰეროინი“ ამოიღო, დაკავებულია ორი პირი

23 იანვარი, 2021 , 11:37

შინაგან საქმეთა სამინისტროს ქვემო ქართლის პოლიციის დეპარტამენტის დეტექტივებისა და საუბნო სამმართველოების თანამშრომლებმა განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ბრალდებით, ორი პირი: 1975

თბილისში კიბერდანაშაულისთვის ინდოეთის მოქალაქე დააკავეს

23 იანვარი, 2021 , 11:32

შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს კიბერდანაშაულთან ბრძოლის სამმართველოს თანამშრომლებმა 1996 წელს დაბადებული, ინდოეთის რესპუბლიკ

დავით გარეჯის საქმეზე სალომე ზურაბიშვილი გამოიკითხა - რა წერია ჩვენებაში

22 იანვარი, 2021 , 16:10

დავით გარეჯის საქმეზე ე.წ. კარტოგრაფების საქმეზე საქართველოს პრეზიდენტი 12 იანვარს გამოიკითხა, ის საგარეო საქმეთა მინისტრი იყო იმ დროს, როცა ნატალია ილიჩოვასა და ივერი მელაშვილს დანაშაულის ჩადენას ედავებიან. ჩვენებაში სა

სისხლის სამართლის ჯარიმების ამნისტია დაიწყო

22 იანვარი, 2021 , 15:40

აღსრულების ეროვნულ ბიუროში 2021 წლის 11 იანვრის ,,ამნისტიის შესახებ“ კანონის თანახმად, სისხლის სამართლის ჯარიმების საქმისწარმოების შეწყვეტა უკვე დაიწყო; ამნისტია შეეხება სისხლის სამართლის ჯარიმის 5 440 მიმდინარე სა