პოლიტიკა

ვენეციის კომისიის რეკომენდაციები აუცილებლად იქნება გათვალისწინებული-ირაკლი კობახიძე

საქართველოს პარლამწენტის თავმჯდომარის, ირაკლი კობახიძის განცხადებით, საკონსტიტუციო ცვლილებების პროექტთან დაკავშირებით, ქართულმა მხარემ მაღალი შეფასება მიიღო.

ამის შესახებ კობახიძემ მედიას, ბერლინში საკონსტიტუციო ცვლილებების პროექტზე გამართული კონფერენციის შეჯამებისას განუცხადა.

მისი თქმით, საქართველოს ხელისუფლებამ ვენეციის კომისიისგან გარკვეულ საკითხებზე რეკომენდაციები მიიღო, რომლებიც, მისი თქმით, კონსტიტუციაში აუცილებლად იქნება გათვალისწინებული.

„ჩვენ შევიმუშავეთ ძალიან დახვეწილი პროექტი და ეს არის იმის გარანტია, რომ ვენეციის კომისიის მხრიდან, ისევე როგორც ჩვენი ევროპელი პარტნიორების მხრიდან, ჩვენ მივიღებთ ძალიან მაღალ შეფასებას ამ დოკუმენტათან დაკავშირებით. დოკუმენტი შეესაბამება კონსტიტუციური სამართლის ფუნდამენტურ პრინციპებს. შეიძლება იყოს გარკვეული საკითხები, რასთან დაკავშირებითაც ჩვენ შეიძლება მივიღოთ ვენეციის კომისიის მხრიდან რეკომენდაციები. ეს რეკომენდაციები აუცილებლად იქნება გათვალისწინებული“,-აღნიშნა პარლამენტის თავმჯდომარემ.

მონიკა დავლიანიძე