კომენტარი
ვფიქრობ, იქნება ძალიან კარგი მიმართულება, თუ მამუკა ბახტაძე პრემიერ-მინისტრის რანგში გააგრძელებს იმავე პოლიტიკას - დავით ჭიჭინაძე
საპარლამენტო უმრავლესობის წევრი, დავით ჭიჭინაძე აცხადებს, რომ ეკონომიკური პოლიტიკის მიმართულებით ფინანსთა მინისტრ მამუკა ბახტაძის ხედვას იზიარებს.
შესაბამისი განცხადება ჭიჭინაძემ პრემიერობის სავარაუდო კანდიდატებთან დაკავშირებით „ქართული ოცნების“ ოფისში საპარლამენტო უმრავლესობის სხდომის დაწყებამდე გააკეთა.
„ის განცხადებები, რაც მამუკა ბახტაძის მიერ ჟღერდებოდა ბანკებთან მიმართებაში, აბსოლუტურად თანხვედრაშია ჩემს პოზიციასთან. მე ვფიქრობ, ეს იქნება ძალიან კარგი მიმართულება, თუ პრემიერ-მინისტრის რანგში გააგრძელებს იგივე პოლიტიკას, რასაც აფიქსირებდა ფინანსთა მინისტრობის დროს“, - განაცხადა ჭიჭინაძემ.
რაც შეეხება გიორგი გახარიას კანდიდატურას, დეპუტატი ამბობს, რომ გიორგი გახარია იყო ეკონომიკის მინისტრიც, თუმცა ბანკებთან მიმართებაში მსგავსი პოზიცია არ დაუფიქსირებია.