პოლიტიკა

ვფიქრობთ, ვენეციის კომისიის დასკვნა იქნება დადებითი - მამუკა მდინარაძე

დღეს ბერლინში ვენეციის კომისია საქართველოს დელეგაციასთან ერთად კონფერენციაზე საქართველოს კონსტიტუციის ახალ რედაქციაზე იმსჯელებს.

ფრაქცია „ქართული ოცნების“ თავმჯდომარის, მამუკა მდინარაძის განცხადებით, ისინი კონკრეტულ კრიტიკულ შენიშვნებს არ ელოდებიან.

მდინარაძე იმედოვნებს, რომ ვენეციის კომისიის დასკვნა იქნება დადებითი. უმრავლესობის წევრმა აღნიშნა, რომ უარყოფითი კონტექსტის მქონე შენიშვნას არ გაითვალისწინებენ.

„ჩვენ ვფიქრობთ, რომ საბოლოო ჯამში, ვენეციის კომისიის დასკვნა იქნება დადებითი, მათ შორის ყველა საკითხთან მიმართებით. მაგრამ თუ იქნება რაიმე კონკრეტული შენიშვნა უარყოფით კონტექსტში, ჩვენ ასეთი ცვლილების განხორციელებაზე ვამბობთ უარს“,- განაცხადა მდინარაძემ.

ბერლინში ვენეციის კომისიის მდივანს თომას მარკერტს, ექსპერტებს, კონსტიტუციონალისტებსა და არასამთავრობო ორგანიზაციების წარმომადგენლებს საკონსტიტუციო ცვლილებებს საქართველოს პარლამენტის თავმჯდომარე ირაკლი კობახიძე გააცნობს.

ანა მებურიშვილი