საზოგადოება

ვინ ხარ ირმა ჭკადუა? რა უფლება გაქვს, ამაზე რომ ლაპარაკობ? - გია ხუხაშვილი

პოლიტოლოგი გია ხუხაშვილი აცხადებს, რომ, ე.წ. „ციანიდის თემასთან“ დაკავშირებით არაჯანსაღი პროცესი მიმდინარეობს.

მისი თქმით, პროკურატურამ კი შეცდომები დაუშვა.

,,გამოძიება ჯერ ისეთ ეტაპზეა, როდესაც ვერაფერს ვიტყვით. ამაში სამწუხაროდ პროკურატურაა პირველ რიგში დამნაშავე, იმიტომ, რომ ისეთი ტაქტიკით განავითარეს ინფორმაციის გაცემა, ისეთი ტაქტიკით მოქმედებდნენ, რომ კითხვის ნიშნები კი არ შეამცირეს, არამედ პირიქით - გაზარდეს’’, - აღნიშნა გია ხუხაშვილმა.

პოლიტოლოგი ყურადღებას ამახვილებს ადვოკატ ირმა ჭკადუაზეც, რომელიც ე.წ. ციანიდის საქმეში ერთ-ერთი მოწმეა.

,,ლაპარაკობენ ირიბი მოწმეები. ვინმე ირმა ჭკადუა გამოდის და იძახის, რომ ის მომიყვა, მომასმენინაო. ვინ ხარ, რომ მოგასმენინა?! ვინ ხარ ირმა ჭკადუა, გამაგებინე? რა უფლება გაქვს ამაზე, რომ ლაპარაკობ? ირიბი მოწმეა, რომელსაც ვიღაცა მოწმემ მოუყვა რაღაც’’, - განაცხადა გია ხუხაშვილმა.

ნინო ექვთიმიშვილი