კომენტარი
ვისაც ეწყინაო, ცივი წყალი დალიოსო, ნათქვამია და ჯერ არ ცხელა ისე, რომ ცივი წყალი დავლიო - დავით ჭიჭინაძე
„ნაწყენობა როგორ შეიძლება. ვისაც ეწყინაო, ცივი წყალი დალიოსო, ნათქვამია და ჯერ არ ცხელა ისე, რომ ცივი წყალი დავლიო“, - ასეთი კომენტარი გააკეთა საპარლამენტო უმრავლესობის წევრმა დავით ჭიჭინაძემ არჩილ თალაკვაძესთან შეხვედრის შემდეგ.
დეპუტატის თქმით, ყველა კითხვას პასუხი გაეცა, ხოლო დაპირისპირება უმრავლესობაში ისტორიას ჩაბარდა.
„გავიარეთ ეს და ისტორიას ჩავაბარეთ და უკან მიბრუნება არ ღირს. დანარჩენი ქრონოლოგიურად, რა, როგორ ხდებოდა, ეს თქვენ [ჟურბნალისტებს] უფრო შეგიძლიათ , იმიტომ რომ ყველაფერი გაქვთ არქივში. ნუ ეძებთ სხვა დინებებს, რაც იყო, ყველაფერი ზემოთ დევს. ჩემსა და არჩილს შორის კითხვები ამოწურულია, პასუხებიც გაცემული მაქვს“, -თქვა ჭიჭინაძემ.
მისი თქმით, შეხვედრაზე ის უფრო დეტალურად მაშინ ისაუბრებს, თუკი თალაკვაძესთან ერთობლივ კომენტარს გააკეთებს.