საზოგადოება
ვიზრუნებთ, რომ მაყურებელი რვაჯერ მოგვემატოს, ამასთან ხარისხის მუდმივი შეფასება უნდა ხდებოდეს - ია ანთაძე
საზოგადოებრივი მაუწყებლის გენერალური დირექტორის მრჩევლის, ია ანთაძის განცხადებით, არხის მენეჯმენტი იზრუნებს იმაზე, რომ სამი წლის შემდეგ მაუწყებელს რვაჯერ მეტი მაყურებელი ჰყავდეს.
ამასთან, ანთაძის თქმით, მუდმივად უნდა ხდებოდეს არხზე არსებული გადაცემების ხარიხსის შემოწმება.
ამის შესახებ ანთაძემ მედიას, მენეჯმენტისა და არხის სამეურვეო საბჭოს წევრების სამუშაო შეხვედრის დაწყებამდე განუცხადა.
„ჩვენ ვამბობთ, რომ ჩვენ ვიზრუნებთ იმაზე, რომ მაყურებელი მოგვემატოს. მათ შორის ვამბობთ, რომ სამი წლის შემდეგ შვიდჯერ, ან რვაჯერ მეტმა ადამიანმა უნდა შეაჩეროს თავისი პულტი საზოგადოებრივი მაუწყებლის ეკრანზე. მაგრამ, მეორე მხრივ ვამბობთ, რომ მუდმივად უნდა მოწმდებოდეს ხარისხი, თუ რა გზით არის მიღწეული ეს შედეგი“,-განმარტა ანთაძემ
მისი განმარტებით, სამეურვეო საბჭოსთან შეხვედრა განპირობებულია იმით, რომ საბჭოს წვერები ამბობენ, რომ შეფასების კრიტერიმებში კიდევ რაღაცა სხვა დაემატოს „რაც არის მნიშვნელოვანი საზოგადოებრივი მაუწყებლისთვის როგორც ასეთისთვის, როგორც არა კერძო მაუწყებლისთვის“.
მონიკა დავლიანიძე