პოლიტიკა

ვლადიმირ პუტინი არ გამორცხავს, რომ საქართველოს მოქალაქეებისთვის უვიზო რეჟიმი დაბრუნდეს

რუსეთის პრეზიდენტმა ვლადიმირ პუტინმა განაცხადა, რომ არ გამორიცხავს, რომ საქართველოს მოქალაქეებისთვის უვიზო რეჟიმი დაბრუნდეს.

მისი თქმით, ამისთვის ყველა საფუძველი არსებობს.

ამის შესახებ პუტინმა, ყოველწლიურ, შემაჯამებელ პრესკონფერენციაზე განაცხადა.

„არ გამოვრიცხავ, რომ საქართველოს მოქალაქეებისთვის უვიზო რეჟიმზე დავბრუნდეთ. ვფიქრობ, ამისთვის ყველა საფუძველი არსებობს, მითუმეტეს, ვხედავთ გარკვეულ სიგნალებს საქართველოს ცალკეულ მმართველ სტრუქტურიდან“,-აღნიშნა პუტინმა.

მან ხაზი გაუსვა, რომ „ძალიან მნიშვნელოვანია ორი ქვეყნის სპეცსამსახურებისა და სამართალდამცავი ორგანოების ნორმალური ურთიერთობის აღდგენა, ტერორიზმთან ბრძოლის ჭრილში, რათა უვიზო რეჟიმმა ჩვენ უსაფრთხოებას, არავითარ შემთხვევაში, საფრთხე არ შეუქმნას“.

„ვფიქრობ, ეს სავსებით შესაძლებელია“,-დასძინა ვლადიმირ პუტინმა.

მონიკა დავლიანიძე