კომენტარი
ზაქარია ქუცნაშვილი თამარ ჩუგოშვილს: დიპლომატიური ქაჯობაა როცა ქვეყნის წინააღმდეგ ბრძოლა პერსონაზე დაგყავს
პარლამენტის უმრავლესობის წევრი ზაქარია ქუცნაშვილი ვიცესპიკერ თამარ ჩუგოშვილის Facebook-სტატუსს ეხმიანება. როგორც ქუცნაშვილი ამბობს, პოლიტიკოსს არ აქვს უფლება იყოს სუსტი და თავისი კომფორტით ან დოსკომფორტით ისაუბროს.
"კაპიტულაციური პოზიცია კი არ უნდა გეკავოს, არამედ უნდა იყო ძლიერი. დიპლომატიური ქაჯობაა, როცა ქვეყნის წინააღმდეგ ბრძოლა დაგყავს პერსონაზე.
პოლიტიკოსებს არ გვაქვს უფლება პირადი კომფორტით ან დოსკომფორტით ვიხელმძღვანელოთ. ჩვენ ვალდებულები ვართ ვიხელმძღვანელოთ ეროვნული ინტერესებით. ეს კი იმას ნიშნავს, რომ საერთაშორისო ინსტიტუტებს პატივი უნდა ვცეთ. როცა საერთაშორისო ორგანიზაციის თავმჯდომარეს წარმოადგენს რუსეთი, შენ სხვა გამოსავალი არ გაქვს, უნდა მიიღო მასში მონაწილეობა და დაიცვა შენი ქვეყნის ინტერესები. მადლობასაც გადაგვიხდიან და მე ამაში დარწმუნებული ვარ", - განაცხადა ზაქარია ქუცნაშვილმა.