საზოგადოება

საქართველო რაგბიში 20-წლამდე მსოფლიო ჩემპიონატს უმასპინძლებს

31 მაისიდან 18 ივნისის ჩათვლით საქართველო რაგბიში 20 წლამდელთა მსოფლიო ჩემპიონატს უპასპინძლებს.

ასპარეზობაში, რომელიც ყოველწლიურად ტარდება, მსოფლიოს 12 უძლიერესი ახალგაზრდული, მათ შორის საქართველოს 20-წლამდელთა ნაკრები მონაწილეობს.

ჩემპიონატში მონაწილეობენ: ინგლისი, ირლანდია, არგენტინა, სამხრეთ აფრიკა, ახალი ზელანდია, ავსტრალია, უელსი, შოტლანდია, საფრანგეთი, საქართველო, იტალია და სამოა.

ტურნირის ჯგუფური ეტაპი (31 მაისი, 4 ივნისი, 8 ივნისი) ორ ქალაქში გაიმართება – თბილისში (ავჭალის სტადიონი) და ქუთაისში (აია არენა); პლეიოფები და ფინალები(14 ივნისი და 18 ივნისი) თბილისში, ავჭალის და მიხეილ მესხის სტადიონებზე გაიმართება.

მსოფლიოს ჩემპიონატზე საქართველოს ნაკრების მეტოქეები A ჯგუფში სამხრეთ აფრიკა, არგენტინა და საფრანგეთი იქნებიან. "უმცროსი ბორჯღალოსნები" პირველ შეხვედრას 31 მაისს ავჭალის სტადიონზე არგენტინასთან გამართავენ.