კომენტარი

კახა კალაძეს მშვიდობის ხიდისა და ველოსიპედის ძეგლის გადატანაზე კონსულტაცია არავისთან ქონია

თბილისის მერის არჩევნებში გამარჯვებული კახა კალაძე აცხადებს,რომ ველოსიპედის ძეგლისა და მშვიდობის ხიდის გადატანასთან დაკავშირებით საუბარი და კონსულტაციები არავისთან ჰქონია.

ამის შესახებ კალაძემ ჟურნალისტებს ტრანსპორტის სფეროში მომუშავე არასამთავრობო ორგანიზაციების წარმომადგენლებთან შეხვედრის შემდეგ განუცხადა.

„დღეს უფრო ბევრი საჭირბოროტო საქმე და პროექტებია განსახორციელებელი ქალაქში სხვადასხვა მიმართულებით. ეს არის საცობი და ეკოლოგიური მდგომარეობის გამოსწორება, ეს არის ქალაქის კეთილმოწყობა, ინფრასტრუქტურული პროექტების განხორციელება, ძველი თბილისის რეაბილიტაცია, ტრანსპორტის მოწესრიგება და ა.შ. მერე ვნახოთ რა იქნება. ამ კონკრეტულ საკითხზე არავისთან მქონია საუბარი“, - განაცხადა კახა კალაძემ.

მონიკა დავლიანიძე