საზოგადოება

„ნომერ პირველი თაღლითი!“ - ბიძინა ივანიშვილს რეზიდენციის წინ „ვარსკვლავი“ გაუხსნეს

„ბიძინა ივანიშვილი - ნომერ პირველი თაღლითი!“ - ამ სახელწოდებით „ვარსკვლავი“ სამოქალაქო აქტივისტთა ჯგუფმა „ქართული ოცნების“ თავმჯდომარის რეზიდენციასთან გახსნა.

ამ ფორმით მოქალაქეებმა ის დაპირებები გააპროტესტეს, რომელსაც ივანიშვილი იძლეოდა და მხოლოდ დაპირებებად დარჩა.

„ჩვენ ქუჩაში გხვდება პლაკატები, რომლებიც გვახსენებენ 10-12-13 წლის წინანდელ ამბებს ამ ქვეყნისას, თუმცა ჩვენ გვახსოვს გუშინდელი, გუშინწინდელი დღე, სადაც ბიძინა ივანიშვილის დაპირებები დარჩა დაპირებებად და ლამაზ ტყუილებად. შესაბამისად, მთელი ამ 6 წლის განმავლობაში ქართული საზოგადოების უმრავლესობამ ამ ადამიანს თავისი სახელი დაარქვა და ჩვენ დღეს გავუხსენით, აქ ამოვედით, სხვა და სხვა საზოგადოებრივი დაჯგუფებები „ საქართველოს ნომერ პირველ თაღლითს“ თაღლითის ვარსკვლავი!“, - განაცხადა აქციის ერთ-ერთმა მონაწილემ.

აქციის მონაწილეები თქმით, ქვეყანამ თითქმის ყველა სფეროში რეგრესი განიცადა, ხოლო ბიძინა ივანიშვილის ხელისუფლებაში დატოვება არის საგანგაშო.