საზოგადოება

ბილაინის აბონენტებს შეუძლიათ საბანკო ბარათით ავტომატურად შეივსონ ბალანსი

მობილური ოპერატორი „ვიონი საქართველო“, საერთაშორისო ჯგუფი „ვიონი“-ს წევრი, ბილაინის აბონენტებს ავტომატური გადახდების მომსახურებას სთავაზობს. ბილაინის აპლიკაციაში და ბილაინის ვებგვერდზეც - პირად კაბინეტში ხსენებული მომსახურება აბონენტს საშუალებას აძლევს საბანკო ბარათით ავტომატურად შეივსოს მობილურის ბალანსი, როდესაც ის აღწევს მომხმარებლის მიერ მითითებულ მინიმალურ ნიშნულს. ავტომატური გადახდის გამოყენება ასევე შესაძლებელია: ტარიფისა და პაკეტის გაგრძელებისთვის, ბილაინ კრედიტის და განვადების დასაფარად.

MyBeeline აპლიკაციისა და ბილაინის ვებგვერდის მეშვეობით, ბილაინის აბონენტი იღებს სრულფასოვან თვითმომსახურებას, მათ შორის შეუძლია: ჩარიცხოს თანხა, ჩართოს მომსახურებები და ტარიფები, შეამოწმოს ბალანსი და მომსახურების სტატუსი, დეტალურად იხილოს ხარჯები და სხვ. კომპანია მუდმივად ავითარებს ციფრულ მიმართულებას და ბილაინის აბონენტებს სთავაზობს თანამედროვე პროდუქტებს, რომლებიც მაქსიმალურად უმარტივებენ და ხელმისაწვდომს ხდიან მომსახურების მიღებას.

დამატებითი ინფორმაციისთვის ეწვიეთ: www.beeline.ge

NS