საზოგადოება

ჟვანიას მოედანზე ცენტრალური მაგისტრალური მილი დაზიანდა

თბილისში, ჟვანიას მოედანზე, მგალობლიშვილისა და ონიაშვილის ქუჩის კვეთაზე ცენტრალური მაგისტრალური მილი დაზიანდა.

დიდი რაოდენობით წყლის ნაკადი მოსახლეობას სარდაფებსა და პირველ სართულებზე შეუვარდა. დაზიანებულია სამი მანქანა - ორი მათგანი გზის საფარის ჩანგრევის გამო ორმოში აღმოჩნდა, კიდევ ერთი კი წყლის ნაკადმა საკმაოდ დიდ მანძილზე გადაიტანა.

„იყო ძლიერი აფეთქების ხმა, გადმოვიხედე და მოდიოდა დიდი რაოდენობის წყალი. ჩემი მანქანა სადაც იდგა მანქანა აღარ ჩანდა. მთლიანად დატბორილია პარკინგი, მანქანების გამოყვანა მოასწრეს პარკინგიდან,“-ამბობს დაზარალებული მამუკა ხუტაშვილი.

ადგილზე “ჯორჯიან უოთერ ენდ ფაუერი” აღდგენით სამუშაოებს ატარებს. ხდება წყლის ამოტუმბვა, გადაიკეტა წყალი.

როგორც GWP-ში აცხადებენ, მოსახლეობას წყლის მიწოდება 18:00 საათზე აღუდგება.