საზოგადოება

თბილისში სამი სახლი დაიწვა

ავლაბარში, ნასაკირალის 4 ნომერში, სამი სახლია დამწვარი, - ამის შესახებ ქალაქ თბილისის მთავარი სამმართველოს უფროსმა, ოთარ კერესელიძემ განაცხადა.

მისივე თქმით, ამ ეტაპზე ცეცხლო ლოკალიზებულოა, მიმდინარეობს მისი სალიკვიდაციო სამუშაოები.

"დაახლოებით 09:20 საათზე შემოვიდა შეტყობინება, რომ ავლაბარში, ნასაკირალის ქუჩა 4 ნომერში იწვოდა საცხოვრებელი სახლი. ცეცხლი გავრცელდა გვერდით მდგომ ორ სახლზეც. დამწვარია სამი სახლი. რამდენიმე წუთში, ადგილზე მობილიზებული იყო 15 სახანძრო-სამაშველო ბრიგადა, რამაც აგვაცილა თავიდან ცეცხლის კიდევ უფრო გავრცელება. საბედნიეროდ, დაშავებული არავინაა“, - განაცხადა თბილისის მთავარი სამმართველოს უფროსმა.

როგორც ცნობილი გახდა, ცეცხლი თავდაპირველად წყლის გამათბობელს გაუჩნდა. ბავშვმა, რომელიც აღნიშნულ სახლში ცხოვრობდა, ონკანი მოუშვა, სწორედ ამ დროს აალდა გამათბობელი. აღმოჩნდა, რომ გაზის გამათბობელს დამცავი არ ჰქონდა.